त‍इरकर 1:16 - पुना गच्छरना NT (BSI)

¹⁶ “अना भ‍ईरो, नेम्‍हा पुथी ता लिख्रका मन्ना चाड़ रहचा, आद नेम्‍हा बॊलतस दाऊदसी ब‍ई ती येसुसिन हॆंरका आलर गे कड़हाब'ऊ रहचका यूदसी पत्त नू मुन्‍द बाचका रहचस।

त‍इरकर 1:16 ပူးပေါင်းရင်းမြစ်များ

मत्तायोस 26:14

ख़ने यूदस इसकारियॊत नॆ बारा चेलर ती ओर्तोस रहचस, आस मुध नैगर गुसन केरस ती बाचस,

मत्तायोस 26:47

येसुसी एन्ने ब'अना गनेम बारो चेलर ती ओर्तोस यूदस बरचस। आसी गने तलवार अरा सोट्टा धरचका ओन्‍टा कोहाँ गोंहड़ा बरचा। आरिन मुध नैगर अरा सेयान आलर त‍इय्‍का रहचर।

मत्तायोस 26:54

लिकिन नेम्हा पुथी ता लिख्रका आद पुरा मना गे एन्ने दिम मन्ना र'ई।”

मत्तायोस 26:56

लिकिन इबड़ा उर्मी इदगे मं‍जा का धर्मेसी कत्था तिंगुर नेम्हा पुथी नू एंग्‍है पत्त नू लिखचका कत्‍था पूरा मनो।” ख़ने उर्मी चेलर अम्‍बियर ती बोंगर केरर।

मरकुस 12:36

दाऊद नेम्‍हा बॊलतस नू मनरकी बाचस, ‘धर्मे उर्बस एंग्‍है उर्बासिन बाचस का, नीन एंग्‍है तीना पक्‍खे ओक्‍करकी एंग्‍है गने राजी नना, ऎन निंग्‍है बैरीरिन नास नंज ख़च्‍चोन।’

मरकुस 14:43

येसुसी एन्ने ब'अना गनेम आचका बारो चेलर ती ओर्तोस यूदस बरचस। आसी गने तलवार अरा सोट्टा धरचका ओन्‍टा गोंहड़ा बरचा। आरिन मुध नैगर अरा नॆग सिखाब'उर अरा सेयान आलर त‍इय्‍का रहचर।

लू‍कस 22:47

येसुसी एन्ने ब'अना बारिम ओन्‍टा गोंहड़ा बरचा। अदिन बारा चेलर ती ओर्तोस यूदस कड़हाब'आलियस। आस येसुस हेद्दे आसिन चोंखा गे बरचस।

यॊहनस 10:35

नॆख'आ गुसन धर्मेसी कत्‍था अंड़सिया, आस आरिन ‘देंवता गुट्ठी’ बाचस। नेम्‍हा पुथी ता कत्‍था अयन्‍दहा मल मना ऊंगी।

यॊहनस 13:18

ऎन नीम ओर्मर ही पत्त नू मल ब'अदन। ऎन अख़दन का ऎन नॆकन नॆकन चज्जिकादन। लिकिन ईद इदगे मनी का नेम्‍हा पुथी नू लिख्रका कत्‍था मन्ना र'ई, ‘एकास एंग्हा गने मोक्‍खस आस दिम एंग्‍है बिड़दो मंजकादस।’

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

यॊहनस 19:36

“आसी ख़ॊचोल ओन्‍टा हूँ मल एस्‍तार'ओ।” एन्ने नेम्‍हा पुथी नू लिख्रका कत्‍था मना गे इबड़ा मंजा।

त‍इरकर 1:20

ईद गा दाऊदसी डंडी पुथी नू एन्ने लिख्रकी र'ई, ‘आसी र'अना अड्डा धंस्र'ओ क'ओ नेकअन, अरा अइय्या नॆ हूँ मल ओक्र'ओर नेकअन।’ अरा ‘आसी पद आबोन नन्नस इंझ्र'ओस नेकअन।’

त‍इरकर 13:15

पॆसका ही पुथी अरा धर्मेसी कत्‍था तिंगुर ही पुथी ती पढ़चका ख़ॊख़ा, गोड़हा एड़पा ता मुद्धर आरिन एन्ने बाचर त‍इय्यर, “भ‍ईरो! नीम आलारिन रिझ्रता गे इन्द्रिइम ब'आ बेद्ददर होले ब'आ।”

त‍इरकर 13:38

औंगे भ‍ईरो, नीम बॆस लगे बुझ्र'आ हो'आ का एका कत्‍था निमा तेंगर'आ लगी आद ईद हवे का येसुस ती निम्‍है पाप ही छमा ख़क्‍ख्र'ओ। मूसासी पॆसका निमन निम्‍है पाप गुट्ठी ती अम्‍बता पोल्‍लो।

त‍इरकर 15:13

आर ही बाचका मुंजका ख़ॊख़ा याकॊबस बाचस, “अना भ‍ईरो, एंग्‍हैन मेना।

त‍इरकर 15:7

इदही पत्त नू बग्‍गे आनानख्रना मंजका ख़ॊख़ा पतरस इज्‍जस ती बाचस, “अना भ‍ईरो, नीम अख़दर का धर्मेस पहिल खेप निम्‍है मझी ती एंगन नन-यहूदीर नू दौ कत्‍था तेंगा गे चज्‍जियस, आर एंग्‍है ती दौ कत्‍था मेंजर अरा पत्ताचर।

त‍इरकर 2:23

धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 2:37

एकाबारी आलर इदिन मेंजर ख़ने आर ही जिया दोलख़्रा, अरा आर पतरस अरा नन्ना त‍इरकर ती मेंजर, “भ‍ईरो, एमा एन्‍देर नन्ना मनो?”

त‍इरकर 22:1

“अना भ‍ईरो अरा बंगारो, अक्कु एंग्‍है बहासन मेना।”

त‍इरकर 23:1

पौलुस गा कोहाँ सभा तरा ओन ढिठ ती ईरियस अरा बाचस, “भ‍ईरो, ऎन इन्ना गूटी दौ लखना ती धर्मेसी मुन्‍दहारे उज्‍जकादन।”

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 28:17

तीन उल्‍ला ख़ॊख़ा पौलुस यहूदीर ही मुद्ध आलारिन मीख़ियस। आर जुम्मरर ख़ने आरिन बाचस, “अना भ‍ईरो, ऎन नम्‍है आलर ही बिड़दो महले नम्‍है पूरखर ही चाल ही बिड़दो नू एन्‍देर हूँ मल नंजकन। अन्नु हूँ ऎन येरुसलॆम नू हॆंरकन ती रोमीर ही ख़ेक्खा नू सोंपतारकन।

त‍इरकर 28:25

आर तम्‍है मझी नू ओन गुट मंजर ती असन ती केरर ख़ने, छेद्दे नू पौलुस आरिन बाचस, “नेम्‍हा बॊलतस धर्मेसी कत्‍था तिंगुस यसायास ती निम्‍है पूरखर गने ठौकम बाचकादस।

त‍इरकर 7:2

आस आनाकिर्ताचस, “भ‍ईरो अरा बंगारो, एंग्‍हैन मेना। नम्‍है बंगस अब्राहमस ख़र्रान नगरे नू ओक्रना ही मुन्‍द मेसोपोतामिया देस नू र'अना बेड़ा नू महबा ती निन्‍द्रका धर्मेस आस गे ऎथ्रस।

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।

2 पतरस 1:21

एन्देरगेका धर्मेसी कत्था तिंगुर ती बाचका ख़ॊख़ा मन्ना कत्था इकला हूँ आलर ही मने ती मल्ला मंजका। लिकिन आलर नेम्हा बॊलतासी कड़हाब'अना ती धर्मेसी कत्थन तिंगियर।

2 पतरस 2:21

ईर उजगो उज्जना ही डहरेन अक्का ख़ॊख़ा तमा गे चितारका नेम्हा पॆसका गुट्ठी ती पछली किर्रना ती, ईर इकला हूँ उजगो उज्जना ही डहरेन बल्लुर रहचका होले, आद ईर गे कोड़हे बॆस रहचा दने।