त‍इरकर 1:13 - पुना गच्छरना NT (BSI)

¹³ अरा असन आर अंड़सियर ख़ने, ओन्टा पाटन कुठला नू केरर। अइय्यम पतरस अरा यॊहन अरा याकॊब अरा अन्‍द्रेयस अरा फिलिप्‍पोस अरा तॊमस अरा बरतोलोमैस अरा मत्तायोस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन अरा याकॊबसी तंग्‍दस यूदस र'आलियर।

त‍इरकर 1:13 ပူးပေါင်းရင်းမြစ်များ

मत्तायोस 9:9

येसुस असले ती उरखस ख़ने, मत्तायोस नामे ओर्त आलासिन मालगुजारी ऊज'‍ऊ एड़पा नू उक्‍का ईरियस ती आसिन बाचस, “एंग्‍है गने गुचा।” ख़ने आस चॊचस ती आसी गने गुड़ियारस।

मरकुस 14:15

आस निमन ओन्‍टा सिंगराचका सपड़ाचका म‍इय्‍याँ ता कोहाँ कुठलिन ऎद'ओस। नीम असन नमा गे कट्टना ही ओन्ना-मॊख़नन सपड़'आ।”

मरकुस 14:33

तहाँ आस पतरस, याकॊब अरा यॊहनसिन तंग्‍है गने होच्‍चस केरस। आस नगदे कलपार'आ अरा खिलपत मना हेलरस।

मरकुस 2:14

आस कानुम कानुम हल‍फैसी ख़द्दस लेवीसिन मालगुजारी ऊज'‍ऊ एड़पा नू उक्‍का ईरियस। येसुस आसिन बाचस, “एंग्‍है गने चॊंख़्र'आ।” होले आस चॊचस ती आसी गने चॊंख़्रस।

मरकुस 5:37

अरा आस पतरस अरा याकॊब अरा याकॊबसी भइय्योस यॊहनसिन अम्‍बर नॆकन हूँ तंग्‍है गने बर'आ मल चिच्‍चस।

मरकुस 9:2

छे उल्‍ला ही ख़ॊख़ा येसुस पतरस अरा याकॊब अरा यॊहनसिन तंग्‍है गने ओन्‍टा मेच्‍छा परता म‍इय्‍याँ होच्‍चस। असन आर तामलेका रहचर, आ बारी आर ही मुन्‍दहारे आसी ऎथ्रना बदलारा केरा।

लू‍कस 22:12

अरा आस निमन ओन्‍टा सिंगराचका सपड़ाचका म‍इय्‍याँ ता कोहाँ कुठलिन ऎद'ओस। अइय्यम नीम सराजमा ननके।”

यॊहनस 11:16

ख़ने तॊमस नॆकन दिदुमोस हूँ ब'अनर, आस तंग्‍है संगे चेलारिन बाचस, “गुचा, आस गने नाम हूँ खे'आ गे क'ओत।”

यॊहनस 14:22

फिन यूदस नॆ यूदस इसकारियॊतस मलदस, आस येसुसिन बाचस, “उर्बायो, एन्‍देरगे नीन निंगन ख़ॆख़ेल ता आलर गे दहदर मल नन्ना ती एमा गे लेकम दहदर नना बेद्ददय?”

यॊहनस 18:17

ख़ने बली ख़ापू रहचा आद पतरसिन मेंजा, “नीन हूँ ई आलासी चेलर ती ओर्त मलदय का?” पतरस बाचस, “मला, ऎन मलदन।”

यॊहनस 21:2

सिमॊन पतरस अरा दिदुमोस बारना तॊमस अरा गलिलेया जिला ही काना पद्दा ता नतन‍ऎलस अरा जेबदयुसी दुयो तंग्‍दा बगर अरा येसुसी अउर ऎंड़ चेलर अइय्या जुमुरका रहचर।

त‍इरकर 12:17

आस ख़ेक्खा ती कलेकले र'आ गे टिवांबाचस। अरा आस आरिन तिंगियस धर्मेस आसिन एकासे जेहेल ती ओथ्रस ओन्‍द्रस। फिन आस बाचस, “याकॊब अरा पत्त'ऊ भइय्योरिन इदही अरो चि'अके।” अरा आस असलेक उरखस ती नन्ना अड्डा किर्रिम बिच्‍चियस।

त‍इरकर 15:13

आर ही बाचका मुंजका ख़ॊख़ा याकॊबस बाचस, “अना भ‍ईरो, एंग्‍हैन मेना।

त‍इरकर 2:14

तहाँ पतरस अबड़ा ग्यारा त‍इरकर गने इज्‍जस अरा जॊरसरिया ब'आ हेलरस, “अना यहूदी आलारो अरा येरुसलॆम ता र'ऊ आलारो, इदन अख़'आ हो'आ अरा एंग्‍है कत्‍थन चिहुंक लग'अय मेना।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 20:8

एका पाटन एड़पा नू ऎम ओकरका रहचकम असन नगदे गोटंग बिल्‍ली लघ्र'आ लगिया।

त‍इरकर 4:13

पतरस अरा यॊहनसी डिढ आबोन ईरियर ती अरा आर मल्‍ला पढ़चका आलर अरा आर सोया आलर बाचर ती कोहाँ सभा ता आलर अकबक मंजर केरर। फिन आर चिन्‍हचर का ईर येसुस गने रहचका आलर हिकनर।

त‍इरकर 4:19

ख़ने पतरस अरा यॊहनस आरिन किर्त'अर बाचर, “नीमिम फरिय'आ, धर्मेसी ऎरना नू एकदा बने मनो का ऎम धर्मेसी कत्‍थन महले निम्‍है कत्‍थन पॆस्र'ओम।

1 कोरिन्‍थ 15:7

अदही ख़ॊख़ा आस याकॊबस गे फेन ओर्मा तइरकर गे ऎथ्रस।

गलातिया 1:19

उर्बासी तंग्ड़िस याकॊबसिन अम्‍बर नन्‍ना तइरकर गने नॆख'आ संगे हूँ एंग्‍है भेंट मल मंजा।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।