त‍इरकर 1:10 - पुना गच्छरना NT (BSI)

¹⁰ अरा आसी कानुम, एकाबारी आर मेर्ख़ा तरा मॆन ऎरनुम रहचर, ख़नेम आचका ऎंड़ मॆतर पंडरू किचरी अत्तर आर गुसन बरचर इज्‍जर।

त‍इरकर 1:10 ပူးပေါင်းရင်းမြစ်များ

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

मत्तायोस 28:3

आसी रूप बिजली लेक्‍खा अरा आसी किचरी कीबा लेक्‍खा पंडरू रहचा।

मरकुस 16:5

आर मसड़ा ही भितरी केरर, ख़ने ओन्‍टा जॊंख़ासिन पं‍डरू किचरी अत्तका तीना चोक्‍ख उक्‍का ईरियर ती इल्चियर।

लू‍कस 24:4

आर ई कत्‍था ही पत्त नू अकबकरर ख़ने, दुई झन आलर बिल्‍चना किचरी अत्तका आर ही हेद्दे इज्‍जर।

यॊहनस 20:12

अरा असन येसुसी मॆदन उइय्‍का अड्डा नू पंडरु किचरी अत्तका ऎंड़ मेर्ख़ा पैकारिन ओर्तोसिन कुक्‍कु तरा ओर्तोसिन ख़ेड्डे तरा उक्‍का ईरिया।

त‍इरकर 10:3

आस उन्‍दुल ओनबीड़ी तीन बजे ता बेड़ा नू ओन्‍टा देखार नू फरीफरी ईरियस का धर्मेसी पैकस बरचस ती बाचस, “कोरनेलियोस।”

त‍इरकर 10:30

कोरनेलियोस किर्त'अर बाचस, “चार उल्‍ला मुन्‍द ई बेड़ा नुम ऎन एंग्‍है एड़पा नू ओनबीड़ी तीन बजे गोहरार'आ लिक्‍कन। आ बारी आचका बिलचना किचरी अत्तका ओन्‍टा आलस एंग्‍है मुन्‍दहारे बरचस ती इज्‍जस।

दहदर मंजका कत्‍था 3:4

अन्नु हूँ तम्‍है किचरिन सोतरा मल्‍ला नंजका जोक्‍क आलर सरदीस कलीसिया नू निंगा गे र'अनर। आर पंडरू किचरी अत्तोर ती एंग्‍है गने ऎकोर, एन्‍देरगेका आर अदगे जॊगे र'अनर।

दहदर मंजका कत्‍था 7:14

ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।