3 यॊहन 1:7 - पुना गच्छरना NT (BSI)

⁷ एन्देरगेका आर मल पत्त'ऊ आलर ती इन्द्रिइम संगरा मल हो'अनर ती उर्बासी चड्डे उरखका र'अनर।

3 यॊहन 1:7 ပူးပေါင်းရင်းမြစ်များ

यॊहनस 15:21

नीम एंग्‍है र'अना चड्डे आर निमा गे इबड़ा ओर्मन ननोर, एन्‍देरगेका आर नॆ एंगन तइय्यस आसिन बलनर।

त‍इरकर 20:33

ऎन नॆख'अम चाँदी महले सोना महले किचरी गे मल चिबाख़ारकन।

त‍इरकर 20:35

ऎन निमन उर्मिन नंजकन ती ऎदकन का एकासे कोड़हे सक‍त नलख ननरकी पयहा आलारिन सम्‍ड़'अना, अरा उर्बा येसुसी कत्‍था गुट्ठिन सुरता नन्ना चाड़ र'ई। आस तानीम बाचकादस का ‘हो'अना ती चि'अना कोड़हे बॆस हवे।’”

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

त‍इरकर 8:4

एकार छितिर बितिर मंजका रहचर आर एसन एसन केरर असन दौ कत्‍था तेंगा लगियर।

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

2 कोरिन्‍थ 12:13

नीम नन्ना कलीसियन जोक्‍खना ती नीम एका रकम नू किय्या मंजकानर? हाँ, ऎन निमा गे बॊझा मल मंजकन, ई कत्‍था गे एंगन छमा नना।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

फिलिप्‍पी 2:9

ई चड्डे धर्मेस आसिन उर्मी ती मेच्छा मईन ही अड्डा नू चॊदस अरा आस गे उर्मी नामे ती कोड़हे बॆस नामे चिच्चस।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

3 यॊहन 1:8

औंगे नाम एन्ने आलर गे संगरा नन्ना ही चाड़ र'ई। एकत्रु नाम मानिमन तेंगा कुद्दना नू आर ही गने संगे नलख ननू मना ओंग्दत।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।