3 यॊहन 1:6 - पुना गच्छरना NT (BSI)

⁶ आर निंग्है चोन्हा ही पत्त नू इय्या ता कलीसिया ही मुन्दहारे गोवाह चिच्चर। धर्मेसिन खुसमारत'अना ही लेक्खा नीन अउरिम एन्ने आलर गे आर ही डहरे ऎकना नू संगरा नन्नुम र'अना र'ई।

3 यॊहन 1:6 ပူးပေါင်းရင်းမြစ်များ

त‍इरकर 15:29

नीम मूर्ती गुट्ठी गे अरगका ओन्ना-मॊख़ना अरा ख़ॆंस अरा घोंघन पॆदख़का मेक्‍खो गुट्ठी ही अहड़ा अरा उर्मी रकम ही पेहरन ही सोतरा नलख ती तरकूटी र'अके। इबड़ा ती नीम तरकूटी र'ओर होले निमा गे दौ मनो। निम्‍है दौ मनन नेक‍अन।”

त‍इरकर 15:3

अन्‍तियोख़ेया कलीसिया आरिन त‍इय्या। आर फोइनिकॆ दरा समारिया मन्नुम केरर ती असता उर्मी पत्त'उर गने तिंगियर का एकासे नन-यहूदीर धर्मेसिन इंझ्रर। अरा ई कत्‍था ओर्मा पत्त'उरिन नगदे रिझ्रताचा।

त‍इरकर 21:5

अबड़ा उल्‍ला मुंज्रा ख़ने, ऎम असले कोहाँ डोंगा तरा किर्रिम बिच्‍चकम। ओर्मा पत्त'ऊ आलर तम्‍है मुक्‍कर अरा ख़द्दर गने एमन नगरे ती बहरी अंड़सताचर। असन ऎम पिंडी नू मूकलिदरकम ती गोहरारकम।

रोमी 15:24

औंगे ऎन स्‍पानिया गे कालो बारी निम्‍है गुसन कुरनुम काला गे असरा र'ई। अरा निम्‍है गने भेंट मनोन ती जोक्‍क बेड़ा र'अना ती रिझ्र'ओन। फिन एंगा असरा र'ई का एंग्है डहरे ऎकना नू नीम सहाड़ा ननोर।

2 कोरिन्‍थ 1:16

अरा ऎन मकेदोनिया जिला कालो बारी निम्‍है गुसन बर'आ गे, अरा मकेदोनिया ती किर्रना बारी हूँ निम्‍है गुसन बर'आ गे सोच'आ लिक्‍कन। फेन नीम एंगन यूदेया जिला त‍इय्या ओंगोर।

फिलिप्‍पी 4:14

अन्नु हूँ नीम दौ नंजकर का एंग्‍है कलपारना नू संगरा नंजकर।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

तीतुस 3:13

जेनास वकील अरा अप्‍पोल्लॊसिन तिहा ननरकी मुन्‍द त‍इय्‍के चि'अके। नीन ऎरके ख़ॊजके का आर ही डहरे ऎकना नू आर गे इन्द्रिइम जिनिस अम्‍बो खंग्र'आ।

1 पतरस 2:20

नीम इन्द्रिइम गलती नन्दर ती अदगे ख़क्खना दंडेन सहदर होले, आद ती निमा एन्देर हूँ नफा मल मनो। लिकिन नीम दौ नलख नंजका ही चड्डे सस्ती सारदर, अरा अदिन नीम कयास ती सहदर होले, आद धर्मेसिन खुसमारत'ई।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।