3 यॊहन 1:3 - पुना गच्छरना NT (BSI)

³ जोक्क मसी भईर बरचर ती नीन मानी आबोन पत्त'अना ती उज्जदय एन्ने निंग्है पत्त'अना जॊगे उज्जना ही पत्त नू गोवाह चिच्चर ख़ने, ऎन नगदे खुसमारकन।

3 यॊहन 1:3 ပူးပေါင်းရင်းမြစ်များ

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

1 कोरिन्‍थ 13:6

चोन्‍हा उजगो मलका नू मल रिझ्र'ई, लिकिन मानी नू रिझ्र'ई।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

फिलिप्‍पी 1:4

ऎन ननू उर्मी गोहरारना नू सगरो नीम ओर्मर गे रिझ ती गोहरारदन।

2 यॊहन 1:2

नम्है नू र'अना आ मानी ही चड्डेम ऎम ई लेक्खम चोन्हा नन्दम। ई मानी नम्है गने हुल्लो गूटी बन्चका र'ओ।

2 यॊहन 1:4

धर्मे बंगस ती ख़क्ख्रका पॆसका ही लेक्खा निंग्है ख़द्दर ती जोक्कोर मानी नू ऎकनन ईरकन ती ऎन कोड़हे रिझ मंजकन।

3 यॊहन 1:10

औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।

3 यॊहन 1:2

अना दुलारो, ऎन निंगा गे गोहरारदन का नीन उर्मी नू बने गने र'अन नेकअन। एकासे नीन बॊलता नू परदा लगदय, अन्नेम नीन कया नू परदा।

3 यॊहन 1:4

एंग्है ख़द्द-ख़र्रर मानी नू उज्जा लगनर एन्ने मेन्ना ती नन्ना कोड़हे रिझ्रना एंगा मलकी।

3 यॊहन 1:5

अना दुलारो, नीन निंग्है गुसन बरना मसी भईर गे नीन बलना आलर रहचका ती हूँ आर गे नीन नन्ना उर्मी नू पत्त'अना जॊगे र'अदय।