2 अना दुलारो, ऎन निंगा गे गोहरारदन का नीन उर्मी नू बने गने र'अन नेकअन। एकासे नीन बॊलता नू परदा लगदय, अन्नेम नीन कया नू परदा।
लिकिन येसुस इदिन मेंजस ती आरिन बाचस, “कोड़े दौ आलर गे बैधासी चाड़ मल्ला, लिकिन बेमरहर गे र'ई।
आस मानिम नू ई बेमार ती खे'आ बेद्दालियस। लिकिन धर्मेसी सोग्गे आसी मइय्याँ मंजा। आस नू लेका मला एंग्है नू हूँ मंजा, एकत्रु एंगा दुक्खे नू अउर हूँ दुक्खे चॊदना मल मनो।
नीम ओर्मर तम्है तम्है दौ गे लेका मला, लिकिन नन्नर ही दौ गे हूँ घोख नन्ना र'ई।
अना भईरो, एमा निमा गे सगरो धर्मेसिन धन्यवाद चि'अना र'ई। आदिम दौ र'ई। एन्देरगेका निम्है पत्त'अना अउरिम परदा लगी, अदही गने निम्है चोन्हा ओर्त ओर्त नू र'ई आद परदा लगी।
अना उर्बासी चोन्हा भईरो, एमा निम्है पत्त नू सगरो धर्मेसी धन्यवाद चि'अना र'ई। एन्देरगेका निमन नाड़र'आ गे हुल्लो ती धर्मेस चज्जिकादस। नीम निमन नेम्हा ननू बॊलता ती अरा मानिमन पत्त'अदर ती नाड़रदर।
अना एंग्है भईरो, उर्मी ती कोड़हे गा, नीम किरया अमके मॊख़ा। ख़ॆख़ेल ही महले मेर्ख़ा ही महले एकअम नन्ना आलॊ ही मइय्याँ अमके किरया मॊख़ा। लिकिन निम्है कत्था गा हाँ होले हाँ अरा मला होले मला र'अन नेकअन। होले धर्मेस निमन बदी मल टिड़'ओस।
उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।
नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।
ई चिठी ऎन यॊहन सेयान आलन तरती र'ई। ऎन इदन एंग्है दुलारो भईस गायोस गे लिखदन, नॆकन ऎन मानिम नू चोन्हा नन्दन।
ऎन निंग्है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।