3 यॊहन 1:10 - पुना गच्छरना NT (BSI)

¹⁰ औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।

3 यॊहन 1:10 ပူးပေါင်းရင်းမြစ်များ

लू‍कस 6:22

मनवा ख़द्दस चड्डे आलर निमन छिंडोर अरा निमन अम्‍बोर चि'ओर अरा निमन हींड़'ओर अरा निम्‍है नामेन मलदौ ब'ओर ती खंडोर चि'ओर होले धर्मेस निम्हा ती खुसमार'ओस।

यॊहनस 9:22

आसी तंग्‍यो तम्‍बा यहूदी मुद्धारिन इल्‍चका ती एन्ने बाचर, ईगेका यहूदी मुद्धर ताम मुन्‍द तिम सलहा नंजका रहचर का नीकईम येसुसिन मसी ब'ओर होले, आरिन गोड़हा एड़पा ती ओथ्र'ओम चि'ओम।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।

2 यॊहन 1:12

निमा गे लिख'आ गे नगदे कत्था र'ई, लिकिन ऎन कागज अरा सियाही ती लिख'आ मल बेद्ददन। ऎन निम्है गने भेंटार'ओन ती छम्‍हा छम्‍हें कछनख्र'ओन। एकत्रु नम्है रिझ्रना अउर कोड़हे मनो क'ओ।

3 यॊहन 1:3

जोक्क मसी भईर बरचर ती नीन मानी आबोन पत्त'अना ती उज्जदय एन्ने निंग्है पत्त'अना जॊगे उज्जना ही पत्त नू गोवाह चिच्चर ख़ने, ऎन नगदे खुसमारकन।

3 यॊहन 1:5

अना दुलारो, नीन निंग्है गुसन बरना मसी भईर गे नीन बलना आलर रहचका ती हूँ आर गे नीन नन्ना उर्मी नू पत्त'अना जॊगे र'अदय।