2 तीमोथियुस 4:1 - पुना गच्छरना NT (BSI)

¹ ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

2 तीमोथियुस 4:1 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

लू‍कस 19:12

आस बाचस, “ओन्‍टा उर्बस तंगा गे बॆल अदिया ख़क्‍खा ती फिन किर्रा गे गेच्‍छा राजी केरस।

लू‍कस 19:15

लिकिन आस बॆल अदिया ख़क्‍खियस ती किर्रियस। ख़ने आस तंग्‍है जॊंख़ारिन मॆख़ा गे आनियस नॆ तंग्‍है ती मोहोर ख़क्‍खर। इदगे का आस अख़'आ ओंग्‍दस का आर ऎ बग्‍गे अदिन ती अर्जाचर।

लू‍कस 23:42

ख़ने आस बाचस, “अना येसु, इकला नीन निंग्‍है राजी नू राजी ननोय एंगन सुरत'अके।”

त‍इरकर 10:42

अरा आस एमन पॆसस का ऎम आलारिन तेंगोम अरा गोवाह चि'ओम का धर्मेस आसिन उज्‍जना आलर अरा केचका आलर ही नेंव‍ई ननू कमचकादस।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

2 थेस्‍सलोनिकॆयर 2:8

होले आ नॆग मलका दहदर मनो। लिकिन उर्बा येसुस तंग्‍है बई ता सांस ती अदिन पिटोस अरा तंग्‍है बरना नू तंग्‍है लौकारना ती अदिन नठाब'ओस।

1 तीमोथियुस 5:21

धर्मेस अरा मसी येसुस अरा चज्जिका मेर्ख़ा पैकर ही मुन्‍दहारे ऎन निंगन तिगाब'अदन का नीन जियन तिसग‍'अर इबड़ा कत्‍था गुट्ठिन मनके, अरा एक‍अम नलखन भितरी बहरी अमके नना।

2 तीमोथियुस 1:10

लिकिन अक्‍कु नम्‍है बछाब‍'ऊ मसी येसुसी दहदर मन्ना ती ई मया आबोन ऎदस, नॆ खे'अना ही सवंग आबोन नठाबाचस, अरा दौ कत्‍था ती उज्‍जना अरा कया मल नठारनन ऎदस।

2 तीमोथियुस 2:14

नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

1 पतरस 4:5

लिकिन सुरता उइय्या का एकास केचका अरा उज्जना आलारिन नेंवई नना गे सपड़ारका र'अदस आस गे आर लेखा चि'अना र'ओ।

1 पतरस 5:4

नीम एन्ने ननोर होले, इकला मुध महरस दहदर मनोस, आ बारी नीम तंग्है बिल्चनन मल अम्बना महबा अरा मईन ही मुकुटन ख़क्खोर।

2 पतरस 1:11

अरा नम्है उर्बस अरा नाड़ुस येसु मसीसी मुंजा मलका राजी नू कोड़हे परिघ'अना ती कोर'ओर।

2 पतरस 1:17

“ईद एंग्है चोन्हा ख़द्दस, ईस ती ऎन खुसमारदन” एन्ने मसीस गे धर्मेसी कोहाँ बिल्चना महबा ती ओन्टा ब'अना मेन्द्रा ख़ने, आस धर्मे बंगस ती मईन अरा महबन ख़क्खियस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!