2 तीमोथियुस 3:8 - पुना गच्छरना NT (BSI)

⁸ एकासे यन्नेस अरा यम्‍ब्रेस मूसासी बिड़दो नंजकाचर, अन्नेम इबड़ा आलर हों मसीसी पत्त ता मानिम कत्‍था ही बिड़दो नन्नर। ईर बेड़ारका बुधी ही आलर हिकनर अरा ईर तम्‍है पत्त'अनन नठाब'अनर।

2 तीमोथियुस 3:8 ပူးပေါင်းရင်းမြစ်များ

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

1 तीमोथियुस 1:19

अरा नीन उर्मी बेड़ा धर्मेसिन पत्त'आ अरा एकदन सुपट अख़दय अदिन नना। जोक्‍क आलर गा एकदन सुपट अख़नर अदिन ताड़ना ती कोहाँ डोंगा चटड़ी नू ढोस्रना लेक्‍खा धर्मेस ती तम्‍‍है पत्त'अनन नठाबाचर।

1 तीमोथियुस 4:2

ईर उतुरमाड़ू अरा ठक‍'ऊ आलर हिकनर। अरा आर ही लखना मल्‍ला उज्‍जना।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 तीमोथियुस 4:15

नीन हूँ आसी पत्त नू चिहुंक र'आ, एन्‍देरगेका आस एम्‍है कत्‍था गुट्ठी ही नगदे बिड़दो नंजकादस।

तीतुस 1:10

एन्‍देरगेका नगदे आलर मल गदन‍'ऊ अरा अन्‍भनियाँ कछनख्र‍'ऊ अरा ठक‍'ऊ र'अनर। कोड़हे गा नाड़र'आ गे खतना ही चाड़ र'ई ब'ऊ आलर एन्ने र'अनर।

तीतुस 1:16

आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।

2 पतरस 2:14

आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।

दहदर मंजका कत्‍था 2:6

लिकिन निंग्‍है नू ओन्टा बॆस कत्‍था र'ई का: नीन एंग्‍है लेक्‍खम निकोलाय धरम ता आलर ही नलख गुट्ठिन ख़ाँड़दय।