2 तीमोथियुस 3:3 - पुना गच्छरना NT (BSI)

³ अरा आर चोन्‍हा मल ननू, छमा मल ननू, दुस'ऊ, चिहुंक मल ननू, कुइं'ऊ, दौ मल बिद्दू मनोर।

2 तीमोथियुस 3:3 ပူးပေါင်းရင်းမြစ်များ

मत्तायोस 10:21

आलर तम्‍है भइय्योर अरा बहिनोरिन नट'ओर अरा पिटर'ओर, अरा अयंग-बंग तम्‍है ख़द्द-ख़र्रारिन एन्नेम ननोर। अरा ख़द्द-ख़र्रर तम्‍है अयंग-बंगर ही बिड़दो चो'अरकी पिटत'ओर।

मत्तायोस 4:1

तहाँ धर्मेसी बॊलतस येसुसिन नाद ती बिढ़्र'आ गे टोड़ंग तरा कड़हाबाचस।

लू‍कस 10:16

एका ओर्तस निम्‍हैन मेन्‍दस आस एंग्‍हैन मेन्‍दस। अरा एका ओर्तस निमन ख़ाँड़दस आस एंगन ख़ाँड़दस। अरा एका ओर्तस एंगन ख़ाँड़दस आस एंग्‍है त‍इय्‍कासिन ख़ाँड़दस।”

लू‍कस 16:14

फरिसीर नॆ ढिबा ही चिबाख़ार'ऊ रहचर, आर इबड़ा कत्‍थन मेंजर ती येसुसिन भेसड़'आ हेलरर।

यॊहनस 6:70

फेन येसुस आरिन बाचस, “ऎन नीम बरियोरिन चज्‍जिकन, अन्नु हूँ निम्‍है ती ओर्तोस मलदौ आलस हिकदस।”

रोमी 1:29

आर उर्मी बेसे कुचरहा नलख, मलदौ, चिबाख़ारना, ख़ाँड़ना ती निन्‍दयर केरर। अरा आर इस्‍गहा, पिटना, नग्‍गानख्रना, उत्तुरमाड़ना, चिड़गना पड़गना ती निन्‍दका र'अनर। अरा आर जलिय'अना

रोमी 1:31

अरा आर लखना मलका दरा गच्‍छरका मल उइय्युर र'अनर। अरा आर चोन्‍हा दरा सोग्‍गे ननू मलनर।

1 कोरिन्‍थ 7:5

नीम ओर्त इरिब नू अमके छिंड्रा। बिन्‍ती नना गे लेका नीम इरबर ही मने ती जोक्‍क बेड़ा गे छिंड्रा ओंग्‍दर। अदही ख़ॊख़ा नीम मेस्रका र'आ, ख़ने सैतान निमा सह'आ पोलना चड्डे निमन चिबाख़ारना नू अम्‍बो टिड़'आ।

1 कोरिन्‍थ 7:9

लिकिन आर तंगन सह'आ पोल्‍लोर होले बेंज्रनर नेकअन, एन्‍देरगेका पेहरन ही चिबाख़ारना ती ऒलना ती बेंज्रना दौ हवे।

1 थेस्‍सलोनिकॆयर 4:8

ई चड्डे एकास तिगाब'अनन हींड़दस आस आलारिन मला धर्मेसिन हींड़दस नॆ निमा गे तंग्‍है नेम्‍हा बॊलतासिन चि'अदस।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

तीतुस 1:8

आस गे पाही ईरू, दौ नलख बिद्दू, खतीर ननू, नियाँव ननू, नेम्‍हा अरा जियन जतन‍'ऊ र'अना र'ई।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

याकॊब 2:6

लिकिन नीम गा कीड़ारिन हींड़दर। एन्‍देर उरुबर निम्‍है मइय्याँ आकुस मल नन्नर, अरा आरिम निमन पंचायत नू नतगनर मल हो'अनर का?

2 पतरस 2:14

आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।

2 पतरस 2:19

ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।

2 पतरस 3:3

उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

यहूदा 1:18

आर निमन बाचकानर का, “छेद्दे ता बेड़ा नू लज्जे मॊख़त'उर बर'ओर ती आर धर्मेसिन नटना तम्है मलदौ चिबाख़ारना गुट्ठी ही लेक्खम ऎकोर।”

दहदर मंजका कत्‍था 13:15

अरा ई दुसर मेक्खो गे आ मुन्द ता मेक्‍खो ही मूर्ती गे साँस चि'आ गे सवंग चीरा का, आ मेक्‍खो ही मूर्ती कछनख्र'ओ, अरा एवंदा आलर आ मेक्खो ही मूर्तिन महबा मल ननोर आरिन पिटत'ओ चि'ओ।

दहदर मंजका कत्‍था 13:17

अरा आ पहिल मेक्खो ही नामे मलता आ नामे ही गनती ही मरकन नॆ नॆ लग्गनर, आरिन अम्‍बरकी नॆ हूँ ख़ॆन्दा पिटा पोल्‍लोर।

दहदर मंजका कत्‍था 16:6

ईर निंग्है नेम्‍हा आलर अरा धर्मेसी कत्था तिंगुर ही ख़ॆंसन बाहताचर, औंगे नीन आरिन ख़ॆंसन ओन्ताचकय। आर तम्‍हैं नंजका ही डंडे भोग'आ लगनर।”

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।