2 तीमोथियुस 2:24 - पुना गच्छरना NT (BSI)

²⁴ उर्बासी जॊंख़स गे अरबानखर‍ना मलकी। लिकिन ओर्मर गने लुद‍ऊ जिया अरा सिखाब'अना नू बड़ियर अरा कयास ननू मन्ना र'ई।

2 तीमोथियुस 2:24 ပူးပေါင်းရင်းမြစ်များ

मत्तायोस 12:19

आस नग्‍गा मल नख्र'ओस महले रिरयार'ओस मला महले बजार गुट्ठी नू नॆ हूँ आसी कत्‍थन पोल्‍लोर मेना।

यॊहनस 6:52

तहाँ यहूदीर ताम तामिम अरबानख्र'आ हेलरर, “ई आलस तंग्‍है अहड़न एकासे नमा मॊख़ा गे चि'आ ओंग्‍दस।”

त‍इरकर 15:2

इदही पत्त नू पौलुस दरा बरनबास अरा अबड़ा आलर गने कोड़हे आनानख्रना मंजा। औंगे कलीसिया पौलुस अरा बरनबास अरा अन्‍तियोख़ेया ता जोक्‍क पत्त'उरिन येरुसलॆम त‍इय्या गे तिगचर का असन आर ई पत्त नू त‍इरकर अरा सेयान आलर गने कछनख्र'ओर।

त‍इरकर 23:9

ख़ने गोंहड़ा राँव राँव मना हेलरा, अरा फरिसीर ती जोक्‍क नॆग सिखाब'उर बोंग चॊचर अरा एन्ने बाचर ती आनानख्र'आ हेलरर, “ऎम ई आलस म‍इय्याँ एन्‍देर बदी हूँ मल ख़क्‍खदम, मना ऊंगी का एक‍अम मेर्ख़ा पैकस महले बॊलता आसी गने कछनखरा।”

त‍इरकर 7:26

दोसर उल्‍ला मूसस ऎंड़ इस्राऎल आलर ही नग्‍गानख्रनन ईरियस ती आरिन मेसाब'आ गे एन्ने बाचस, ‘आलारो, नीम भईर हिकदर, नीम एन्‍देरगे अपन अपन नू मलदौ नना लगदर?’

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 10:4

एम्है चॆत ही कमहड़ गुट्ठी सौंसार ता आलर बउर'अना कमहड़ गुट्ठी मल्‍ली, लिकिन गढ़ें गुट्ठिन धंस'ऊ धर्मेसी सवंगिय कमहड़ आबोन बउर'अदम।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

फिलिप्‍पी 2:14

उर्मिन बिगर कुटमुटर'आ ती अरा बिगर नग्‍गानख्रकम ती नना।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

1 थेस्‍सलोनिकॆयर 2:7

ऎम मसीसी तइरका मन्‍ना चड्डे निम्‍है मइय्या ओत्‍था लद'आ ओंगा लिक्‍कम। लिकिन एकासे अयंग तंग्‍है ख़द्द-ख़र्रन उन्‍त'ई तिंद'ई, अन्नेम ऎम हूँ निम्‍है गने रहचकम।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

तीतुस 1:9

अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।

तीतुस 3:2

आर नेक'आनिम आर ही बिड़दो नू ब'अनुम अम्‍बोर नठाब'आ, अरा आर अरबानखर'ऊ अम्‍बोर र'आ। अरा आर गे लुदऊ मन्‍ना र'ई, अरा ओर्मर गने तमन कोहाँ लेक्‍खा मला सन्नी लेक्‍खा ईद'उर र'अना र'ई।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

याकॊब 4:2

नीम इन्द्रिइम ओन्टन ख़क्खा बेद्ददर, लिकिन अदन मल ख़क्खदर। नीम पिटा गे सपड़ारका र'अदर, अरा नन्नारिन इस्गहा नन्दर, अन्नु हूँ नीम एन्द्रन बेद्ददर अदिन ख़क्खा पोलदर। औंगे नीम नग्गानख्रदर अरा अरबानख्रदर। नीम धर्मेस ती मल ने'अदर, ई चड्डेम नीम मल ख़क्ख्रदर।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।