2 तीमोथियुस 2:22 - पुना गच्छरना NT (BSI)

²² औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

2 तीमोथियुस 2:22 ပူးပေါင်းရင်းမြစ်များ

त‍इरकर 7:59

आलर स्‍तेफनोस म‍इय्याँ पखना ती लोड़ग'आ लगियर ख़ने, आस एन्ने गोहरारस, “उर्बायो येसु, एंग्‍है बॊलतन इंझ्र'आ।”

त‍इरकर 9:14

आस इसन हूँ एकार निंगन ऒड़ लग्‍गनर आरिन हें'आ हो'आ गे मुध नैगर तरती अदिया ख़क्‍खकादस।”

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 10:14

औंगे एंग्‍है चोन्‍हा आलारो! मूर्ती गुट्ठिन ऒड़ लग्‍गना ती तरकूटी र'आ।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 6:18

औंगे पेहरन ही सोतरा नलख ती बोंगा। अउर नन्ना पाप एकदा आलस नन्दस, अबड़ा जम्मा पाप गुट्ठी मॆद ती बहरी मनी। लिकिन पेहरन ही सोतरा नलखन ननू आलस तंग्‍है मॆद ही बिड़दो दिम पाप नन्‍दस।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

1 पतरस 3:11

अरा आस मलदौ ती तरकूटी र'अरकी दौ नन्ना र'ई। अरा आस कोड़ेन बेद्ददस ती अइय्यम उज्जना ऎकना र'ई।

3 यॊहन 1:11

अना दुलारो, नीन मलदौ आबोन मला दौ आबोन धर'आ। सुरता नना का, एका ओर्तस दौ नन्दस, आस तंग्है दौ नलख इदन ऎद्ददस का आस धर्मेसी ख़द्द र'अदस। अरा एका ओर्तस मलदौ नन्दस, आस तंग्है मलदौ नलख इदन ऎद्ददस का आस धर्मेसिन बलदस।