2 तीमोथियुस 2:21 - पुना गच्छरना NT (BSI)

²¹ एक‍अम ओर्तस मलदौ नलखन अम्‍बदस ती तंगन निमन ननोस होले, आस महबा ही संजगी मनोस, अरा आस नेम्‍हा मनोस ती उर्बासी नलख नू ब‍उरार'ओस। अरा एकअम मदहे बॆस नलख गे सपड़ारका र'ओस।

2 तीमोथियुस 2:21 ပူးပေါင်းရင်းမြစ်များ

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

1 कोरिन्‍थ 5:7

पच्चा तिस्‍सन अम्‍बरकी पुना लिंडका गुंडा लेक्‍खा निमन नेम्‍हा कम'आ। मानिम नू नीम एन्ने बिगर तिस्‍सा ही आलर हिकदर, एन्‍देरगेका नम्‍है कट्टना ही भेंडो ख़द्द मसीस नमा गे दाँड़े मन्रकादस।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

2 कोरिन्‍थ 9:8

धर्मेस उर्मी बरकतन निन्दका ती निमा चि'आ गे उंगू र'अस। औंगे निमा चाड़ र'ई अबड़ा उर्मिन उर्मी उल्ला ख़क्खोर, अरा उर्मी दौ नलख नू नीन्द्र'ओर क'ओर।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 2:16

लिकिन महबा मलका ब'अना ती बछ्रका र'आ। एन्‍देरगेका ईद आलारिन धर्मेस ती अउर हूँ गेच्‍छा ननी चि'ई।

2 तीमोथियुस 2:20

ओन्‍टा कोहाँ एड़पा नू सोना चाँदी ही लेका मला, लिकिन कंक अरा ख़ज्‍जो ही संजगी गुट्ठी हों मनी। एकदा एकदा महबा गे अरा एकदा एकदा सन्नी नलख गे र'ई।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

2 तीमोथियुस 4:11

लूकस लेका एंग्‍है गने र'अदस। नीन बर'ओ बारी मरकुसिन निंग्‍है गने ओन्‍द्र‍'आ, एन्‍देरगेका आस एंग्‍है इसला नलख नू संगरा नना ओंगोस।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।