2 तीमोथियुस 2:15 - पुना गच्छरना NT (BSI)

¹⁵ नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

2 तीमोथियुस 2:15 ပူးပေါင်းရင်းမြစ်များ

मत्तायोस 13:52

तहाँ येसुस आरिन बाचस, “औंगे अबड़ा उर्मी नॆग सिखाब'उर नॆ मेर्ख़ा राजी ही पत्त नू सिख्रका र'अनर आर आ एड़पा आबस बेसे र'अनर, नॆ तंग्‍है भंडार ती पच्चा अरा पुना जिनिस गुट्ठिन ओथ्रदस।”

मरकुस 4:33

आस आरिन ई मदहे ही कैनो जोक्‍खा ख़ीरी तेंगरकी आर ही बुझुर'आ ओंगना लेक्‍खा सिखाबाचस।

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

त‍इरकर 20:27

एन्‍देरगेका धर्मेस एन्‍द्रन नीम अख़'आ गे बिद्दियस अबड़ा उर्मिन ऎन निमा तिंकन।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

रोमी 16:10

अपेल्‍लॆस गे मोंजरा एकास मसी नू पोकता उरखस। अरिस्‍तोबुलोसी एड़पातर गे मोंजरा।

रोमी 6:13

नीम निम्‍है मॆद ही अंग गुट्ठिन मलदौ ही कमहड़ मना गे पाप गे अमा थोप'आ। ऊजी नू निमन धर्मेस गे थोप'आ। एन्‍देरगेका नीम केच्चकर केरकर, लिकिन अक्‍कु निमा पुना उज्‍जना र'ई। औंगे निमा मॆद ही अंग गुट्ठिन दौ नन्ना कमहड़ बेसे धर्मेस गे बउर'आ।

1 कोरिन्‍थ 2:6

अन्नु हूँ पत्त'ऊ आलर नॆ पखड़ मंज ख़च्‍चिकानर आर ही नू ऎम लूर ही पत्त ता कत्‍थन तेंगदम। लिकिन ई लूर ख़ॆख़ेल ता महले नठार'ऊ ई ख़ॆख़ेल ता राजी ननुर ही लूर मल्‍ली।

2 कोरिन्‍थ 10:18

एन्देरगेका नॆ तान तंगन ओहमा नन्दस आस मला, उर्बस ती ओहमा ख़क्खोस आस दिम इंझ्रतारदस।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 कोरिन्‍थ 5:9

औंगे नाम ई मॆद नू र'अदत मलता ई मॆद ती अम्बदत कालदत, उर्बासिन रिझ्रत'अना दिम नम्है मने र'ई।

गलातिया 1:10

अक्‍कु ऎन नॆख'आ सोग्‍गे ख़क्‍खा बेद्ददन आलर ही मलता धर्मेसी? महले ऎन आलारिन रिझाब'आ बेद्ददन का? ऎन आलारिन रिझाब'आ बेद्दना होले, मसीसी जॊंख़ मल र'ओन दने।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

1 थेस्‍सलोनिकॆयर 2:4

लिकिन एकासे धर्मेस एमन दौ कत्‍था तेंगना जॊगे कमचस, ऎम अन्नेम तेंगदम। अरा इत्रु आलारिन मला एम्‍है जियन बिढ़दस आ धर्मसिन पत्तारदम।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

2 पतरस 1:10

औंगे अना भईरो, धर्मेसी निम्है मॆख़्रकन अरा चजरकन बड़ियर नना गे कोड़हे चिहुंक नना। नीम इबड़न ननोर होले, इकला हूँ मल खत्र'ओर।

2 पतरस 1:15

औंगे एंगा खे'अना ही ख़ॊख़ा हूँ नीम इबड़ा कत्था गुट्ठिन सुरता नू उइय्या गे ऎन एन्द्रा एन्द्रा नना ओंग्दन, अदन अक्कुन ननोन।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।