2 तीमोथियुस 1:1 - पुना गच्छरना NT (BSI)

¹ ऎन पौलुस, धर्मेसी चीता बुता ती मसी येसुसी त‍इरकन। धर्मेस एंगन मसी येसुस नू जनमजुग उज्‍जना ही गच्‍छरका ही पत्त नू तेंगा गे त‍इय्यस।

2 तीमोथियुस 1:1 ပူးပေါင်းရင်းမြစ်များ

यॊहनस 10:28

अरा अबड़ा गे ऎन जनमजुग उज्‍जनन चि'अदन। अरा इकला हूँ अबड़ा मल नठार'ओ, अरा अबड़न नॆ हूँ एंग्‍है ख़ेक्खा ती बच्‍चा पोल्‍लोर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:54

नॆ एंग्‍है अहड़न मॊख़दस, अरा एंग्‍है ख़ॆंसन ओन्दस, आस गे जनमजुग उज्‍जना र'ई, अरा छेद्दे उल्‍ला आसिन फेन उज्‍जा चॊद'ओन।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 5:21

पाप खे'अना ती राजी नंजा। ई लेक्‍खा धर्मेसी चोन्‍हा हूँ उजगो ती नम्‍है उर्बस येसु मसीस ती जनमजुग ही उज्‍जनन ओन्‍द्र'आ गे राजी ननी।

रोमी 6:23

एन्‍देरगेका पाप ही बनी गा खे'अना र'ई, लिकिन धर्मेसी मया ही इनाम उर्बा मसी येसुस नू जनमजुग उज्‍जना र'ई।

1 कोरिन्‍थ 1:1

धर्मेसी मने ती मसी येसुसी त‍इरका मना गे मॆख़्रका पौलुस एंग्है तरती अरा नम्है भ‍ईस सॊस्‍थेनॆसी तरती ई चिठी र'ई।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 1:20

येसु मसीस धर्मेसी उर्मी गच्‍छरना गे “हाँ” ब'अदस। औंगेम धर्मेसी महबा गे ऎम आस ती “आमेन” ब'अदम।

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

1 तीमोथियुस 6:19

एन्ने नन्ना ती आर तम्‍है खुर्जिन मेर्ख़ा नू बछाब'अनर ती उइय्यनर अरा तम्‍है बरना उल्‍ला गे बड़ियर नेव उइय्यनर। इत्रु आर मानिम उज्‍जनन तम्‍है आकुस नू नन्नर।

2 तीमोथियुस 1:10

लिकिन अक्‍कु नम्‍है बछाब‍'ऊ मसी येसुसी दहदर मन्ना ती ई मया आबोन ऎदस, नॆ खे'अना ही सवंग आबोन नठाबाचस, अरा दौ कत्‍था ती उज्‍जना अरा कया मल नठारनन ऎदस।

2 तीमोथियुस 1:13

एका बड़ियर कत्‍था गुट्ठिन नीन एंग्‍है ती मेंजकादय, अदिन मसी येसुस नू र'ई आ पत्त'अना अरा चोन्‍हा गने निंग्‍है चिन्‍हा कम'आ ती उइय्या।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

2 तीमोथियुस 2:1

औंगे एंग्‍है ख़द्द तिमोथियु, नीन मसी येसुसी चि'अना आ मया नू बड़ियर मना।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

2 तीमोथियुस 2:3

मसी येसुसी बॆस लड़ाई ननू सैनस लेक्खा एम्‍है गने दुक्‍खे सार'आ।

2 तीमोथियुस 3:15

नीन ख़द्द परिया तिम धर्मेसी लिख्रका नेम्‍हा कत्‍था गुट्ठिन अक्‍कय। अबड़ा मसी येसुस नू पत्त'अना ती नाड़रनन ख़क्‍खा गे निंगा लूर चीरकी र'ई।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

1 यॊहन 2:25

जनमजुग उज्जनन चि'ओन एन्ने आस नम्है गने गच्छरस, ईदिम आसी गच्छरना हवे।