9 एन्ने सहाड़ा एमा निम्है ती हो'अना ही अदिया मलकी अन्ने मला। लिकिन ऎम निम्है मुन्दहारे नीम अन्ने नना गे चिन्हा उइय्या बेद्दा लिक्कम।
अरा झोला महले ऎंड़ किचरी महले जुता गुट्ठी महले सोट्टा अमके हो'आ। इदगे का बनीहार गे तंग्है ओन्ना-मॊख़ना ख़क्ख्रना र'ई।
एन्देरगेका ऎन निमा नमुना ऎदकन। एकासे ऎन निम्है गने नंजकन, अन्नेम नीम हूँ ननके।
औंगे ऎन निमन आनदन का एंग्है बेसे उज्जा ऎका।
अरा नॆ धर्मेसी कत्थन सिख्रदस आस तंग्है खुर्जी ही जोक्क हींस गुरुर गे चि'अदस नेकअन।
अरा ऎम आलर ती मईन मल बेद्दा लिक्कम, निम्है ती मला महले नेख'अम नन्नर ती हूँ मला।
एन्देरगेका नीमिम अख़दर का ऎम एकासे उज्जदम ऎकदम अन्ने निमा हूँ उज्जना ऎकना र'ई। अरा निम्है संगे र'अना बेड़ा नू लंडी मल मंजकम।
इदगेम नीम मॆंख्रका हूँ र'अदर। एन्देरगेका मसीस हूँ निमा गे सस्ती सारचस ती नीम आसी उज्जना ओक्कना लेक्खा उज्जा ऎका गे निमा गे ओन्टा चिन्हा आबोन अम्बका केरकादस।
अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।