2 थेस्‍सलोनिकॆयर 3:7 - पुना गच्छरना NT (BSI)

⁷ एन्‍देरगेका नीमिम अख़दर का ऎम एकासे उज्‍जदम ऎकदम अन्ने निमा हूँ उज्‍जना ऎकना र'ई। अरा निम्‍है संगे र'अना बेड़ा नू लंडी मल मंजकम।

2 थेस्‍सलोनिकॆयर 3:7 ပူးပေါင်းရင်းမြစ်များ

1 कोरिन्‍थ 11:1

नीम एंग्‍है ऎकना लेक्‍खा ऎका, एकासे ऎन मसीस लेक्‍खा ऎकदन।

1 कोरिन्‍थ 4:16

औंगे ऎन निमन आनदन का एंग्‍है बेसे उज्‍जा ऎका।

फिलिप्‍पी 3:17

अना भईरो, नीम ओर्मर ओन संगे एंग्‍है लेक्‍खा उज्जा ऎका, अरा नॆ एम्है उज्जना ओक्कना बेसे उज्जा ओक्कनर आरिन हूँ चॊख़्र'आ।

फिलिप्‍पी 4:9

एका कत्‍थन नीम एंग्‍है ती सिख्रकर, अरा इंझ्रकर, अरा मेंजकर, अरा एंग्‍है नू ईरकर, अबड़न दिम पॆस्र'आ। होले सान्ति ही धर्मेस निम्‍है गने र'ओस।

1 थेस्‍सलोनिकॆयर 2:10

नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

2 थेस्‍सलोनिकॆयर 3:9

एन्ने सहाड़ा एमा निम्‍है ती हो'अना ही अदिया मलकी अन्ने मला। लिकिन ऎम निम्‍है मुन्‍दहारे नीम अन्ने नना गे चिन्‍हा उइय्या बेद्दा लिक्‍कम।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।