2 थेस्‍सलोनिकॆयर 3:6 - पुना गच्छरना NT (BSI)

⁶ अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

2 थेस्‍सलोनिकॆयर 3:6 ပူးပေါင်းရင်းမြစ်များ

मत्तायोस 18:17

आस आरहिन मल मेन्‍दस होले कलीसिया नू तेंगा चि'आ। अरा आस कलीसियन हूँ मल मेन्‍दस होले, नीन आसिन मल पत्त'ऊ महले ऊज'ऊ लेक्‍खा अख़के।

रोमी 16:17

अना भ‍ईरो! निमन ऎन गोहरारदन का नीम एन्‍देर सिखाब'अना ख़क्‍खकर अदही बिड़दो नू निमन ख़ाँड़नर‍ अरा निम्‍है डहरे ती मूड़त'अनर आर ही ती चिहुंक अरा तरकूटी र'आ।

1 कोरिन्‍थ 11:2

ऎन निमन सवंर'अदन का नीम एंगन उर्मी कत्‍था नू सुरता नन्‍दर अरा ऎन एन्‍द्रा निमा गे सिखाबाचकन, अबड़न नीम नन्‍दर।

1 कोरिन्‍थ 5:4

नीम नम्‍है उर्बा येसुसी नामे ती ख़ॊंड़रना बारी, बॊलता नू ऎन हूँ निम्‍है गने र'अदन अरा नम्‍है उर्बा येसुसी आकुस हूँ निम्‍है गने र'ई।

1 कोरिन्‍थ 5:9

पेहरन ही सोतरा नलख ननुर गने अमके मेस्र'आ एन्ने ऎन एंग्‍है चिठी नू निमन लिखचकादन।

2 कोरिन्‍थ 2:10

अक्‍कुन नीम नॆकन इन्द्रिइम छमा नन्‍दर, आसिन ऎन हूँ छमा नन्‍दन। ऎन छमा नना गे इन्द्रिइम र'ई होले, अदिन ऎन निम्‍है चड्डे मसीसी मुन्‍दहारे छमा नंजकादन।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 4:11

अरा ऎम निमन पॆसकम अन्नेम कोड़े गने उज्‍जा, अरा तंग्‍है तंग्‍है नलखन नना, नन्नर ही नलख नू अमा नूता, अरा तंग्है ती अर्ज'आ गे चिहुट नना। ईदिम निमा चाड़ र'ई।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

2 थेस्‍सलोनिकॆयर 3:7

एन्‍देरगेका नीमिम अख़दर का ऎम एकासे उज्‍जदम ऎकदम अन्ने निमा हूँ उज्‍जना ऎकना र'ई। अरा निम्‍है संगे र'अना बेड़ा नू लंडी मल मंजकम।

1 तीमोथियुस 5:21

धर्मेस अरा मसी येसुस अरा चज्जिका मेर्ख़ा पैकर ही मुन्‍दहारे ऎन निंगन तिगाब'अदन का नीन जियन तिसग‍'अर इबड़ा कत्‍था गुट्ठिन मनके, अरा एक‍अम नलखन भितरी बहरी अमके नना।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

2 तीमोथियुस 3:5

अरा आर महबा ननू बेसे ऎथ्र'ओर, लिकिन अदही सवंगन मल पत्त'ओर। एन्ने आलर ती नीन तरकूटी र'अके।

2 तीमोथियुस 4:1

ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।