4 ऎम पॆसकादम अबड़न नीम नना लगदर फिन ननोर अन्नेम ऎम उर्बस ती असरा ननालदम।
अरा आरिन उर्मी कत्था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्ला ख़ॆख़ेल ही मुंज्रना गूटी निम्है गने र'अदन।”
अना भईरो! ऎन एंग्है तिम निम्है पत्त नू दौ अख़दन का नीम दौ ती निन्ददर अरा उर्मी रकम ही लूर ती बड़ियर मनरकी अपन ती नन्नारिन चेता ब'आ ओंग्दर।
एन्देर ऎन बाचकन अरा एन्देर ऎन नंजकन, इत्रु ती नन-यहूदीर धर्मेसिन मन'आ गे मसीस एंग्है ती नंजका कत्थन अम्बरकी एंगा एकअम कत्था ही पत्त नू ब'अना ही डिढ मल मनो।
एका ओर्तर सहेलहे दौ नलख नन्नुम महबा अरा मईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्जना चि'ओस।
औंगे एकअम आलस तंगन धर्मेसी कत्थन मुन्द तिंगुस मलता बॊलतासी इनाम ख़क्खका आलस एन्ने सोचदस होले, आस इदन इंझ्रना र'ई का एका कत्थन ऎन निमा लिखदन आद उर्बासी पॆसका गुट्ठी हवे।
खतना मंजका ही हूँ, अरा खतना मल मंजका ही हूँ एन्देर हूँ मॊल मल्ला। धर्मेसी पॆसकन पॆस्रना दिम मॊल र'ई।
औंगे ऎन निमा गे एन्ने चिठी लिखचकन का, एंग्हा बरना ती नॆखा ती एंगा रिझ मन्ना रहचा, आर ती ऎन दुक्खे मना मल बेद्ददन। नीम ओर्मर एंग्है रिझ्रना नू मेस्रोर, एन्ने निम्है ओर्मर ही पत्त नू एंगा असरा र'ई।
नीम उर्मी कत्थन पॆस्रदर का मला एन्ने निमन बिढ़'आ गे ऎन एंग्है चिठी नू एन्ने लिखचकन।
इबड़ा इरबर गने ऎम अउर ओन्टा एम्है भईसिन हूँ तइय्यालदम। ऎम घड़ीम घड़ी बिढ़चकम ती अक्कम का आस कयनो पत्त नू संगरा नना गे अंगिय'अना गने र'अस। अक्कु आस गे निम्है मइय्याँ कोड़हे असरा र'अना ती आस संगरा नना गे मुन्द तिम कोड़हे अंगिय'अना गने र'अस।
ऎन धर्मेस मइय्याँ निम्है पत्त नू असरा उइय्दन का नीम एकअम नन्ना सिखाब'अनन अम्बोर पत्त'आ। लिकिन नॆ निमन अकबकाब'अदस चि'अदस आस एकअम ओर्तस हूँ र'ओस दंडे ख़क्खोस।
अरा एंगा असरा र'ई का ई लेक्खा दौ नलखन धर्मेस निम्है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।
औंगे अना एंग्है चोन्हा आलारो, नीम सगरो एंग्है पॆसका गुट्ठिन पॆस्रनुम बर'आ लगदर, अन्नेम एंग्है र'अना बेड़ा नू लेका मला, अक्कु ऎन निंग्है ती गेच्छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्चनुम अरा असरनुम नलखन नन्नुम कला।
मानिम नू गोट्टा मकेदोनिया नू र'अनर अबड़ा उर्मी भईर गने नीम चोन्हा नन्दर दिम। लिकिन भईरो निमा आर गने अउरिम कोड़हे चोन्हा नन्ना र'ई, अदगे निमन तिगाब'अदम।
एन्ने आलर दौ गने उज्जना र'ई अरा तमा ओना गे तमा गेम नलख नन्ना र'ई, अन्नेम ऎम उर्बस येसु मसीस ती पॆसदम अरा रिझ्रत'अदम।
अना भईरो! अक्कु नम्है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्है गुस्ते सिख्रका चाल लेक्खा मल नन्नर अरा मल ऎकनर आर ही ती तरकूटी र'आ।
ऎन निंग्है पॆस्रना मइय्याँ असरा नन्दन ती निंगा गे इदन लिखदन। अरा ऎन अख़दन का नीन एन्देर नना गे ऎन निंगन आनदन अदही ती बग्गे नीन ननोय।