2 थेस्‍सलोनिकॆयर 3:16 - पुना गच्छरना NT (BSI)

¹⁶ अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

2 थेस्‍सलोनिकॆयर 3:16 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 15:33

कोड़े ही धर्मेस निम्‍है ओर्मर गने र'अदस नेकअन। आमेन।

रोमी 16:20

कोड़े ही धर्मेस लॆम सैतान आबोन निम्‍है ख़ेड्डे किइय्या गेंजत'ओस चि'ओस। नम्‍है उर्बस येसु मसीसी मया निम्‍है म‍इय्याँ मन्‍तेम र'ओ।

1 कोरिन्‍थ 14:33

एन्‍देरगेका धर्मेस बिगड़'अना ही मला लिकिन सान्‍ति ही धर्मेस हिकदस। नेम्‍हा आलर ही उर्मी कलीसिया गुट्ठी नू र'अना लेक्‍खा,

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

इफेसुस 6:23

धर्मे बंगस अरा उर्बस येसु मसीस तरती नीम उर्मी भइय्योर गे सान्‍ति अरा पत्त'अना गने ता चोन्‍हा ख़खख्र'अन नेकअन।

1 थेस्‍सलोनिकॆयर 3:11

अक्‍कु नम्‍है धर्मेस‍ बंगस अरा उर्बा येसुस दिम निम्‍है गुसन बर'आ गे एमन डहरे ऎद्ददस नेक‍अन।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

2 थेस्‍सलोनिकॆयर 3:18

नम्‍है उर्बस येसु मसीसी मया निम्‍है ओर्मर गने र'अन नेक‍अन।

2 तीमोथियुस 4:22

उर्बस निंग्‍है गने र'अदस नेक‍अन। निम्‍है ओर्मर म‍इय्याँ आसी मया मनन नेक‍अन।

फिलॆमॊन 1:25

नम्‍है उर्बस येसु मसीसी मया नीम ओर्मर गने र'अन नेकअन।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।