2 थेस्‍सलोनिकॆयर 3:14 - पुना गच्छरना NT (BSI)

¹⁴ एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

2 थेस्‍सलोनिकॆयर 3:14 ပူးပေါင်းရင်းမြစ်များ

मत्तायोस 18:17

आस आरहिन मल मेन्‍दस होले कलीसिया नू तेंगा चि'आ। अरा आस कलीसियन हूँ मल मेन्‍दस होले, नीन आसिन मल पत्त'ऊ महले ऊज'ऊ लेक्‍खा अख़के।

रोमी 16:17

अना भ‍ईरो! निमन ऎन गोहरारदन का नीम एन्‍देर सिखाब'अना ख़क्‍खकर अदही बिड़दो नू निमन ख़ाँड़नर‍ अरा निम्‍है डहरे ती मूड़त'अनर आर ही ती चिहुंक अरा तरकूटी र'आ।

1 कोरिन्‍थ 4:14

ऎन निमन लज्‍जे मॊख़त'आ गे इदन मल लिखदन। लिकिन निमन एंग्‍है चोन्‍हा ख़द्द ब'अरकी निमन तिगाब'अदन।

1 कोरिन्‍थ 5:11

लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

1 कोरिन्‍थ 5:9

पेहरन ही सोतरा नलख ननुर गने अमके मेस्र'आ एन्ने ऎन एंग्‍है चिठी नू निमन लिखचकादन।

2 कोरिन्‍थ 10:6

अरा नीम पूरी तरा पॆस्र'उर मंजका ती ख़ॊख़ा, एंगरका मल पॆस्र'उर गे दंडे चि'आ गे ऎम सपड़ारकादम।

2 कोरिन्‍थ 2:9

नीम उर्मी कत्‍थन पॆस्रदर का मला एन्ने निमन बिढ़'आ गे ऎन एंग्‍है चिठी नू एन्ने लिखचकन।

2 कोरिन्‍थ 7:15

अरा नीम ओर्मर आसी कत्‍थन एकासे पॆस्रकर अरा इल्‍चुनुम अरा असरनुम आसिन परघाचकर, इदन आस सुरता नन्दस ख़ने, निम्‍है नू आसी चोन्‍हा कोड़हे मनी क'ई।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

कोलोस्से 4:16

अरा ई चिठिन निम्‍है गुसन पढ़के, अरा अदही ख़ॊख़ा इदिन लवोदिकेया ता कलीसिया नू हूँ पढ़त'अके। अन्नेम लवोदिकेया ता कलीसिया गे एंग्हा लिखचका चिठिन हूँ नीम पढ़के।

1 थेस्‍सलोनिकॆयर 4:8

ई चड्डे एकास तिगाब'अनन हींड़दस आस आलारिन मला धर्मेसिन हींड़दस नॆ निमा गे तंग्‍है नेम्‍हा बॊलतासिन चि'अदस।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

तीतुस 2:8

मानिम आबोन सिखाब'आ, होले निंग्‍है सिखाब'अनन बोया कत्‍था ब'अरकी मल अलखोर। तहाँ निंग्‍है बिड़दो नू र'उर लजर'ओर, एन्‍देरगेका नमन मलदौ ब'आ गे एन्‍द्रा हूँ मलकी।

तीतुस 3:10

आलारिन छिंडुसिन ओंग्‍‍होल, दुई हॆल तिगाब'आ ती तरकूटी र'आ।

फिलॆमॊन 1:21

ऎन निंग्‍है पॆस्रना मइय्याँ असरा नन्दन ती निंगा गे इदन लिखदन। अरा ऎन अख़दन का नीन एन्देर नना गे ऎन निंगन आनदन अदही ती बग्गे नीन ननोय।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।