2 थेस्‍सलोनिकॆयर 2:3 - पुना गच्छरना NT (BSI)

³ नेकअम गे कटीकुना हूँ ठक'आ गे मोका अमके चि'आ, एन्‍देरगेका धर्मेसी बिड़दो नू कोहाँ हुलहुली मन्‍ना ही मुन्‍द अरा नठारना नू कालू नॆग मलका ही आलस दहदर नन्ना ही मुन्‍द आ उर्बासी उल्‍ला मल बर'ओ।

2 थेस्‍सलोनिकॆयर 2:3 ပူးပေါင်းရင်းမြစ်များ

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

1 यॊहन 4:3

लिकिन ओर्तस तंगन धर्मेसी कत्था तिंगुस ब'अदस ती येसु मसीसी पत्त ता मानिमन मल तेंग्रदस होले, आस धर्मेस तरती मल र'अदस। बर'ओ एन्ने नीम मेंजका रहचका ठकवा मसीसी बॊलता ईदिम हिके। अक्कु आद ख़ॆख़ेल नू बरच ख़च्चकी र'ई।

दहदर मंजका कत्‍था 17:11

अरा मुन्द रहचा अरा अक्कु मलकी आ मेक्‍खो दिम आठवा बॆलस हवे। अन्नु हूँ आस अबड़ा सतियो बॆलर ती ओर्तोस हिकदस, अरा आस नठार'ओस।

दहदर मंजका कत्‍था 17:8

एका मेक्‍खोन नीन ईरका र'अदय, आद गा मुन्द रहचा, लिकिन अक्‍कु मल्‍ला। अन्नु हूँ आद भयभयान ख़ोड़ख़ा गड्डी ती मइय्याँ अरगू र'ई, फेन आद नठार'ओ कालो। अरा ख़ॆख़ेल ता र'ऊ आलर, नॆख'आ नामे ख़ॆख़ेल गढ़्रना ही बेड़ा ती उज्‍जना ही पुथी नू नामे मल लिख्रकी र'ई, आर ई मेक्‍खो ही दसन ऎरोर ती हैकट मनोर, एन्देरगेका आद मुन्द रहचा, अरा अक्कु मलकी, अरा अउरिम बर'ओ।