2 थेस्‍सलोनिकॆयर 2:17 - पुना गच्छरना NT (BSI)

¹⁷ आस निम्‍है जियन डिढ नन्‍दस अरा निमन उर्मी दौ नलख नू अरा ब'अना नू बड़ियर नन्‍दस नेक‍अन।

2 थेस्‍सलोनिकॆयर 2:17 ပူးပေါင်းရင်းမြစ်များ

रोमी 1:11

एन्‍देरगेका एंगा निम्‍है गने भेंटार'आ तुक्‍काली का ऎन निमन धर्मेसी बॊलता ती ख़क्ख्रका आसीस आबोन ख़ट्टा बेद्ददन का नीम निम्है पत्त'अना नू बड़ियर मना ओंगोर।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

2 कोरिन्‍थ 1:21

अक्‍कुन धर्मेस निम्‍है गने एमन हूँ मसीस नू बॆस बड़ियर नन्‍दस, अरा आस नमन खस्‍सकादस।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

2 थेस्‍सलोनिकॆयर 3:3

लिकिन उर्बस असरा जॊगे र'अदस। आस निमा सवंग चि'ओस ती मलदौ आलॊ ती नाड़ोस।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

1 यॊहन 3:18

अना ख़द्दारो, नाम चोन्हा आबोन कत्था ती महले कछनख्रना ती ईद'ऊ मला, लिकिन नलख ती अरा मानी जिया ती चोन्हा आबोन ईद'ऊ र'अना र'ई।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,