2 थेस्‍सलोनिकॆयर 2:14 - पुना गच्छरना NT (BSI)

¹⁴ धर्मेस एम्‍है दौ कत्‍था ती नम्‍है उर्बस येसु मसीसी महबा नू मेस्र'आ गे निमन मीख़ियस।

2 थेस्‍सलोनिकॆयर 2:14 ပူးပေါင်းရင်းမြစ်များ

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

यॊहनस 17:22

अरा एकन्ने नाम ओंटम र'अदत अन्नेम आर हूँ ओंटम मना गे नीन एंगा चिच्का महबन ऎन आर गे चिच्‍कन।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

दहदर मंजका कत्‍था 21:23

अरा आ नगरे नू बिल्ली चि'आ गे बीड़ी महले चन्‍दो ही चाड़ मलकी, एन्‍देरगेका धर्मेसी महबा दिम अदिन बिल्‍चत'ई चि'ई, अरा भेंडो ख़द्द मसीस अदही बिल्‍ली र'अदस।

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।