2 थेस्‍सलोनिकॆयर 1:9 - पुना गच्छरना NT (BSI)

⁹ आर जनमजुग गे नठारना ही दंडे ख़क्‍खोर। आर उर्बासी मुन्‍दहारे ती अरा आसी सवंग ही महबा ती तरकूटी मनोर।

2 थेस्‍सलोनिकॆयर 1:9 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 22:13

ख़ने बॆलस तंग्‍है जॊंख़ारिन बाचस, ‘ईसी ख़ेक्खा ख़ेड्डेन हें'आ ती बहरी ता ऊख़ा नू हेबड़ा चि'आ, अइय्या चींख़ना दरा पल्‍ल चब्रना मनो।’

मत्तायोस 24:30

अरा आ बारी एंगा मनवा ख़द्दासी चिन्‍हा मेर्ख़ा नू ऎथ्र'ओ। तहाँ ख़ॆख़ेल ता उर्मी खुटी ता आलर चींख़'ओर ओलख़ोर। उर्मी आलर मनवा ख़द्दन एंगन मेर्ख़ा नू बदाली नू ती सवंग अरा कोड़हे महबा गने बरनन ऎरोर।

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 25:46

अरा ईर मुंजामलका गूटी दंडे भोग'आ गे क'ओर, लिकिन उजगो आलर मुंजामलका उज्‍जना नू कोर'ओर।”

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मत्तायोस 7:23

होले ऎन आरिन फरीफरी तेंगोन ती आनोन, ‘ऎन निमन इकला हूँ बलकन, मलदौ ननू आलारो, एंग्‍है गुस्‍ते गुच्‍छर'आ।’

लू‍कस 13:27

लिकिन आस आना किर्त'ओस, ‘ऎन निमन ब'अदन, ऎन निमन बलदन नीम एसते बरचकर। मलदौ नलख ननू आलारो, नीम एंग्‍है गुसते बोंगा।’

यॊहनस 5:14

ख़ॊख़ा येसुस आ आलासिन धर्मेसी मन्दिर नू ख़क्‍खियस ती आसिन बाचस, “ऎरा, नीन कोड़े मंजकादय, अउरिम पाप अमके नना। महले इन्द्रिइम कोड़हे खिलपत निंगा मना ओंगी।”

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

1 थेस्‍सलोनिकॆयर 5:3

आलर कछनख्र'ओर, “ऎम कोड़े र'अदम अरा अपलोक नू मलकम।” आ बेड़ा नू ओन्‍टा ओत्‍था ऎख़ आली गे एकासे नुंजना बर'ई अन्नेम आचका ही आर ही मइय्याँ कोहाँ सस्ती बर'ओ। आ बारी अबड़ा आलर मल बछ्र'ओर।

2 थेस्‍सलोनिकॆयर 2:8

होले आ नॆग मलका दहदर मनो। लिकिन उर्बा येसुस तंग्‍है बई ता सांस ती अदिन पिटोस अरा तंग्‍है बरना नू तंग्‍है लौकारना ती अदिन नठाब'ओस।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

इब्रानी 10:29

अन्ने होले सोच'आ का, एकास धर्मेसी ख़द्दासिन म‍ईन मल नंजस, अरा तंगन नेम्‍हा नन्‍ताचका पुना गच्‍छरना ही ख़ॆंसन नेम्‍हा मल मन्‍चस, अरा मया चि'ऊ नेम्‍हा बॊलतन लज्‍जे मॊख़ताचस, आस एका कोड़हे दंडे ही जॊगे मनोस दने।

2 पतरस 2:17

इबड़ा ठकवा सिखाब'उर अम्मु मलका पझरा गुट्ठी अरा घटा ती उढियाचका बदाली गुट्ठी लेक्खा अनभनियाँ हिकनर। ईर गे ख़ोड़ख़ा ऊख़ा नू अड्डा उइरकी र'ई।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

यहूदा 1:13

ईर समुदर ता कोहाँ लहरा गुट्ठी लेक्खा र'अनर, अरा लहरा ही बोट्टो लेक्खा तम्है लज्जे ही नलख गुट्ठिन लेछनर। ईर बेहड़ारका बीनको गुट्ठी लेक्खा र'अनर। ईर गे गटगट ऊख़ा जनमजुग गे उइरकी र'ई।

दहदर मंजका कत्‍था 20:11

फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।

दहदर मंजका कत्‍था 20:14

फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।