2 थेस्‍सलोनिकॆयर 1:8 - पुना गच्छरना NT (BSI)

⁸ आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

2 थेस्‍सलोनिकॆयर 1:8 ပူးပေါင်းရင်းမြစ်များ

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 25:46

अरा ईर मुंजामलका गूटी दंडे भोग'आ गे क'ओर, लिकिन उजगो आलर मुंजामलका उज्‍जना नू कोर'ओर।”

यॊहनस 3:19

आर गे दंडे ही नेंव‍ई ही चड्डे ईद दिम का, बिल्‍ली ख़ॆख़ेल नू बरचा, लिकिन आलर बिल्‍ली ती कोड़हे ऊख़न पत्तारर, एन्‍देरगेका आर ही नलख गुट्ठी मलदौ रहचा।

यॊहनस 8:19

तहाँ आर येसुसिन मेंजर, “एसन र'अस निम्‍बस?” ख़ने आस बाचस, “नीम ऎन नॆ हिकदन महले एम्‍बस नॆ हिकदस अदिन बलदर। लिकिन नीम एंगन अक्कर होले, एम्‍बासिन हूँ अख़'ओर दने।”

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 10:16

अन्नु हूँ ओर्मा इस्राऎलर दौ कत्‍थन मल इंझ्रर। होले धर्मेसी कत्‍था तिंगू यसायास एन्ने बाचस, “उर्बायो! नॆ एम्‍है कत्‍थन पत्ताचर?”

रोमी 15:18

एन्‍देर ऎन बाचकन अरा एन्‍देर ऎन नंजकन, इत्रु ती नन-यहूदीर धर्मेसिन मन'आ गे मसीस एंग्‍है ती नंजका कत्‍थन अम्‍बरकी एंगा एकअम कत्‍था ही पत्त नू ब'अना ही डिढ मल मनो।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।

गलातिया 4:8

नीम गा धर्मेसिन बल्‍ला लिक्‍कर ख़ने, एन्ने देंवता गुट्ठी ही तबे नू रहचकर एकाबड़ा मानी नू धर्मे मल्‍ली।

1 थेस्‍सलोनिकॆयर 4:5

अरा धर्मेसिन बल्‍ली आ जाती लेक्‍खा निम्‍है मॆदन एन्ने पाप नन्‍ना ही चिबाख़ारना गे अमा चि'आ।

इब्रानी 10:27

लिकिन नमा गे भयभयान रायबड़ी अरा धर्मेसी बैरीरिन बस्‍सना चि'अना हदकारना चिच्‍ची आबोन दिम पाब ऎरना र'ई।

इब्रानी 10:30

एन्‍देरगेका नाम अख़दत का धर्मेस एन्‍देर बाचस। आस बाचस, “बदली किर्त'अना एंग्‍है नलख र'ई। ऎनिम बदली किर्त'ओन।” अरा अउरिम ईद एन्ने बारकी र'ई, “उर्बस तंग्‍है आलारिन नेंव‍ई ननोस।”

इब्रानी 11:8

पत्त'अना ती अब्राहमस, तंगा गे गच्‍छरका अड्डा काला गे धर्मेस ती मॆख़्रस, ख़ने अदिन मन्‍चस ती उरखस केरस। तान एसन काला लगियस अदिन हूँ बल्‍ला लगियस।

इब्रानी 12:29

एन्‍देरगेका नम्‍है धर्मेस गा ओलत'अना चिच्‍ची हिकदस।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 पतरस 3:6

ई लेक्खम सारा तंग्है मॆतस अब्राहमसिन उर्बा ब'आलिया ती आसी पॆसकन पॆस्र'आ लगिया। अरा नीम हूँ एन्‍द्रा मानिम र'ई अदिन बिगर इल्‍चका ननोर होले, नीम अदही ख़द्द मनोर।

1 पतरस 4:17

एन्देरगेका धर्मेस आलारिन नेंवई नन्ना ही बेड़ा हेद्दे अंड़सकी र'ई। ईद धर्मेसी आलर ही मझी नू मुन्द ऒरे मनो। नेंवई नन्ना मुन्द नम्है नू ऒरे मनी होले, धर्मेसी दौ कत्थन मल पॆस्र'उर ही मुंज्रना एकासे र'ओ?

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

यहूदा 1:7

इबड़ा मेर्ख़ा पैकर लेक्खम सोदोम अरा गोमोरा नगरे गुट्ठी ता अरा अबड़ा ही ओनबेंड़र'आ नू रहचका नगरे गुट्ठी ता आलर पेहरन ही सोतरा नलख अरा उर्मी रकम ही पेहरन ही पाप गुट्ठिन नंजर। अरा आर जनमजुग ही चिच्ची ही दंडे ख़क्खियर ती नमा गे ओन्टा चेताब'अना बेसे र'अनर।

दहदर मंजका कत्‍था 20:10

अरा अबड़ा आलारिन ठकचका आ नाद गन्धक लघरना चिच्‍ची ही समुदर नू हेबड़तार'ओस क'ओस, एकइय्या आ मेक्‍खो अरा ठकवा धर्मेसी कत्था तिंगुस र'अनर। अइय्या आर उल्‍ला माख़ा जनमजुग कलपार'ओर।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”