2 थेस्‍सलोनिकॆयर 1:5 - पुना गच्छरना NT (BSI)

⁵ धर्मेस मानिम ती नेंवई नन्ना ही ईद गोवाह हवे। नीम धर्मेसी राजी गे जॊगे मना गे आस बेद्ददस, अदगे नीम सस्‍ती हूँ सारदर।

2 थेस्‍सलोनिकॆयर 1:5 ပူးပေါင်းရင်းမြစ်များ

लू‍कस 20:35

लिकिन एका ओर्तर केचकन्‍ती उज्‍जा चो'अना ती मेर्ख़ा राजी नू उज्‍जा गे जॊगे मनोर, आर मल बेंज्र'ओर अरा मल बेंजोर।

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

त‍इरकर 13:46

पौलुस दरा बरनबास बिगर एल्‍चम बाचर, “ईद चाड़ रहचा का मुन्‍द निमा गे धर्मेसी कत्‍था तेंगना रहचा, लिकिन नीम इदिन मल इंझ्रदर, अरा नीम निमन मुंजा मलका उज्‍जना ख़क्‍खना जॊगे मल बुझुरदर। औंगे ऎम अक्‍कु इदिन नन-यहूदीरिन तेंगदम।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

फिलिप्‍पी 1:28

अरा ऎन अख़दन का, एकअम कत्‍था नू हूँ निम्है बिड़दो र'उर ती नीम मल एल्‍चदर। ईद आर गे नठारना ही चिन्‍हा हवे, लिकिन निमा गे गा नाड़रनन ख़क्खा गे चिन्हा हवे। अरा ईद धर्मेस तरती मनो।

कोलोस्से 1:12

अरा सगरो रिझ गने धर्मे बंगासी धन्‍यवाद ननोर। आसिम बिल्ली ही राजी नू धर्मेसी आलर ही आसीस नू नीम हूँ बटा मना गे निमन जॊगे कमचस।

1 थेस्‍सलोनिकॆयर 2:14

भईरो, यूदेया जिला नू मसी येसुस नू र'ऊ अबड़ा धर्मेसी कलीसिया गुट्ठी लेक्‍खा नीम हूँ उज्‍जालिक्‍कर। एकासे आर यहूदीर ती खिलपत मंजर अन्ने नीम हूँ निम्‍है राजी ता आलर ती खिलपत मंजकर।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 16:7

फेन ऎन गोड़हा ती एन्ने आनाकिर्त'अनन मेंजकन, “हाँ, अना उर्मी ती सवंगिय धर्मे उर्बायो, निंग्‍है नेंवई गुट्ठी मानी अरा उजगो र'ई।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 3:4

अन्नु हूँ तम्‍है किचरिन सोतरा मल्‍ला नंजका जोक्‍क आलर सरदीस कलीसिया नू निंगा गे र'अनर। आर पंडरू किचरी अत्तोर ती एंग्‍है गने ऎकोर, एन्‍देरगेका आर अदगे जॊगे र'अनर।