2 थेस्‍सलोनिकॆयर 1:4 - पुना गच्छरना NT (BSI)

⁴ लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।

2 थेस्‍सलोनिकॆयर 1:4 ပူးပေါင်းရင်းမြစ်များ

रोमी 12:12

असरा नू खुसमार'आ, खिलपत नू सहनुम र'आ, गोहरारना नू बोथ्रका र'आ।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

रोमी 8:25

लिकिन अक्‍कुन गूटी नमा एकदा मल्‍ला अदही असरा नन्‍दत होले नाम कयास गने अदही पाब ऎरा लगदत।

1 कोरिन्‍थ 7:17

औंगे ओर्त ओर्त गे उर्बस तंग्‍है उज्‍जना नू ओकताचका लेक्‍खा, अरा धर्मेस तंगन मॆख़्रका मॆख़ना लेक्‍खा दिम तंग्‍है उज्‍जनन चलाब'अना र'ई। ऎन उर्मी कलीसिया गे एन्नेम नॆग चि'अदन।

2 कोरिन्‍थ 12:10

औंगेम ऎन मसीसी चड्डे एंगा मंजका पयहा ही पत्त नू, अरा लज्जे ही पत्त नू, अरा खिलपत ही पत्त नू, अरा खैतारना ही पत्त नू, सस्ती ही पत्त नू ऎन रिझ गने र'अदन। एन्देरगेका ऎन एकाबारी पयहा र'अदन, आ बारी ऎन सवंगिय र'अदन।

2 कोरिन्‍थ 7:14

ऎन आसी मुन्दहारे निम्‍है पत्त नू फुलई मंजका ती बाचकन। इबड़ा कत्था नू ऎन लज्‍जे मॊख़ा गे नीम हूँ मल चिच्कर। ऎम उर्मी बेड़ा निम्है गने मानिमन दिम बाचकम। अन्नेम तीतुस गने ऎम निम्है पत्त नू फुलई मंजका ती बाचका कत्था मानिम मंजा।

2 कोरिन्‍थ 7:4

ऎन निम्है पत्त नू कोड़हे डिढ गने र'अदन। ऎन निम्‍है पत्त नू कोड़हे फुलई मन्दन। ऎन जिया सालना ती नीन्द्रका र'अदन। ऎन एंग्‍है उर्मी खिलपत ही मझी नू हूँ रिझ ती नीन्द्रका र'अदन।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

2 कोरिन्‍थ 9:4

मकेदोनिया ता आलर ती नीकईम एंग्‍है गने बर'ओर ती नीम चि'आ गे मल्‍ला सपड़ारका ऎरोर होले, ऎम निम्है मइय्याँ उइय्का असरा ही चड्डे एमा लज्‍जे मॊख़ना मनो (एन्ने ऎम निमन ब'अना ही चाड़ मल्ला), नीम हूँ लज्जे मॊख़'ओर दने।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 2:14

भईरो, यूदेया जिला नू मसी येसुस नू र'ऊ अबड़ा धर्मेसी कलीसिया गुट्ठी लेक्‍खा नीम हूँ उज्‍जालिक्‍कर। एकासे आर यहूदीर ती खिलपत मंजर अन्ने नीम हूँ निम्‍है राजी ता आलर ती खिलपत मंजकर।

1 थेस्‍सलोनिकॆयर 2:19

एन्‍देर एमा असरा अरा रिझ चि'ई अरा नम्‍है उर्बा येसुसी बरना बेड़ा नू आसी मुन्‍दहारे एम्‍है महबा ही मुकुट एन्‍देर र'ओ? नीम मलदर का?

2 थेस्‍सलोनिकॆयर 3:5

धर्मेसी चोन्‍हा अरा मसीसी कयास ती उर्बस निम्‍है जियन कड़हाब'अदस नेकअन।

इब्रानी 10:36

निमा सहना ती र'अना चाड़ र'ई। होले नीम धर्मेसी मनेन नंज ख़च्चिका ती आसी गच्‍छरका ख़ंजपन ख़क्‍खोर।

इब्रानी 6:12

ऎम बेद्ददम का नीम लंडी अमा मना। लिकिन ईर लेक्‍खा र'आ का नॆ पत्त'अना अरा सहना ही चड्डे धर्मेस आर गे गच्‍छरका गच्‍छरकन ख़क्‍खियर।

इब्रानी 6:15

तहाँ अब्राहमस खतीर नंजका ती पाब ऎरना ही ख़ॊख़ा तंगा गे गच्‍छरका आबोन ख़क्‍खियस।

याकॊब 5:11

ऎरा, खतिर ननू आलर आसीस ख़क्खोर। नीम यॊबसी खतिर नन्ना ही पत्त नू गा मेंजकादर। अरा नीम ऎरा ओंग्दर का उर्बस आसी छेद्दे बेड़ा नू एकासे दया नंजकाचस। उर्बस कोड़हे सोग्गे ईरू अरा मया ननू र'अदस।

2 पतरस 1:6

अरा लूर गने जियन सम्ड़'अना, अरा जियन सम्ड़'अना गने खतिर नन्ना, अरा खतिर गने भगती।

दहदर मंजका कत्‍था 14:12

इदही मने ईद हिके का धर्मेसी पॆसका गुट्ठिन पॆस्रका ती येसुसी मइय्याँ ता पत्त'अना नू ठिमठिमने र'ऊ नेम्हा आलर खतिर गने सहना र'ई।