2 पतरस 3:9 - पुना गच्छरना NT (BSI)

⁹ जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।

2 पतरस 3:9 ပူးပေါင်းရင်းမြစ်များ

रोमी 13:11

अक्‍कुन ता बेड़ा एकासे र'ई एन्ने अख़'अरकी इदिन नना। निमा अक्‍कु ख़न्‍द्रना ती एजरना ही बेड़ा अंड़सकी र'ई। एन्‍देरगेका एका लेक्‍खा नाम पत्ताचका रहचकत आ बेड़ा ती अक्‍कु नम्‍है नाड़रना हेद्दे र'ई।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

रोमी 9:22

ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।

1 तीमोथियुस 1:16

लिकिन एंग्‍है म‍इय्याँ इदगे सोग्‍गे मंजा का ऎन उर्मी ती कोहाँ पापहा आलन नू येसु मसीस तंग्‍है उर्मी कयास आबोन ऎदस। एन्‍देरगेका एका ओर्तर उर्बा येसुस नू पत्त'अनर ती जनमजुग ही उज्‍जना ख़क्‍खनर आर गे आस कोड़हे कयास ऎद'ओस, आर गे ऎन ओन्‍टा चिन्‍हा मंजकन।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

इब्रानी 10:37

एन्‍देरगेका नेम्हा पुथी नू एन्ने लिख्रकी र'ई का, “जुक्‍की बेड़ा नू, बर'उस बर'ओस अरा घड़ही मल ननोस।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

दहदर मंजका कत्‍था 2:21

ऎन अदगे जियन किर्त'आ गे बेड़ा चिच्चकन, लिकिन आद तंग्है पेहरन ही सोतरा नलख ती जियन किर्त'आ गे मल बिद्दी।