2 पतरस 3:18 - पुना गच्छरना NT (BSI)

¹⁸ नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

2 पतरस 3:18 ပူးပေါင်းရင်းမြစ်များ

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 4:15

ऊजी नू चोन्‍हा गने मानी ब'अना ती उर्मी कत्था गुट्ठी नू आसी मॆद कलीसिया ही कुक्कु मसीस नू पर्दनुम क'ओम।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

1 पतरस 2:2

अरा पुना कुन्‍द्रका ख़द्दर दुदही गे तरसारनर अदही लेक्‍खा नीम हूँ सुध बॊलता ही दुदही गे तरसारना नू र'आ, होले आद ती नीम निम्है नाड़रना नू पूरा परद'ओर।

2 पतरस 1:11

अरा नम्है उर्बस अरा नाड़ुस येसु मसीसी मुंजा मलका राजी नू कोड़हे परिघ'अना ती कोर'ओर।

2 पतरस 1:2

धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।

यहूदा 1:25

नम्है नाड़ू ओन्टे लेका धर्मेस गे, नम्है उर्बस येसु मसीस ती महबा अरा कोड़हे मईन अरा सवंग अरा अदिया हुल्लो ती मुन्द अरा अक्कु अरा हुल्लो गूटी र'अन नेकअन। आमेन।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!