2 पतरस 3:17 - पुना गच्छरना NT (BSI)

¹⁷ औंगे अना चोन्हा आलारो, मुन्द तिम नीम इदन अख़ना ती, चिहुंक र'आ। एन्ने अम्बो मना का, अबड़ा नॆग मलका आलर ही मलदौ नू बझ्रर'अरकी निम्है ठिमठिमने दसा ती अम्बोर खतर'आ।

2 पतरस 3:17 ပူးပေါင်းရင်းမြစ်များ

मत्तायोस 16:11

ऎन निमन असमा ही पत्त नू मल्‍ला बाचका। नीम एन्‍देरगे इदन मल बुझुरदर? ऎन गा फरिसीर अरा सदुकीर ही बिदगी ती चिहुंक र'आ गे ब'आलदन।”

मत्तायोस 16:6

येसुस आरिन चेताबाचस, “ऎरा, नीम फरिसीर अरा सदुकीर ही बिदगी ही पत्त नू बड़ियर र'अके।”

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

यॊहनस 16:4

ऎन अक्‍कु इबड़ा कत्‍थन निमन तिंकादन, औंगे बेड़ा अंड़सो ख़ने, नीम सुरता ननोर का ऎन इबड़ा कत्‍थन तिंकन। ऎन इबड़ा कत्‍थन निमन मुन्‍द मल बाचकन, एन्‍देरगेका ऎन निम्‍है संगे रहचकन।

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

1 कोरिन्‍थ 10:12

औंगे एका ओर्तस सोचदस का आस बड़ियर इज्‍जकादस, आस चिहुंक र'अन नेकअन का अम्‍बोस खत्र'आ।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 11:3

लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।

गलातिया 5:4

नीम नॆग ती उजगो मना गे चिहुट मन्‍दर होले, मसीस ती तरकूटी मन्‍दर अरा धर्मेसी मया आबोन एब्‍सका चिच्‍चकादर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

फिलिप्‍पी 3:2

अल्‍ला गुट्ठी लेक्खा ठकवा सिखाब'उर ती चिहुंक र'आ, आर मलदौ ननुर अरा नाड़रना गे खतना मन्ना र'ई एन्ने ब'ऊ आलर हिकनर।

कोलोस्से 2:5

एन्‍देरगेका ऎन गा कया नू निमन ती गेच्‍छा र'अदन, लिकिन बॊलता नू निम्‍है गनेम र'अदन। निम्‍है दौ उज्जा ओक्कनन अरा मसीस नू निमा उइय्का पत्त'अना नू नीम एंवदा बड़ियर र'अदर, अदिन ऎरदन ती रिझ्रदन।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

2 तीमोथियुस 4:15

नीन हूँ आसी पत्त नू चिहुंक र'आ, एन्‍देरगेका आस एम्‍है कत्‍था गुट्ठी ही नगदे बिड़दो नंजकादस।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 पतरस 5:9

निम्है पत्त'अना नू बड़ियर मना ती आसी बिड़दो नू जुझर'आ। एन्देरगेका नीम अक्कर का, सौंसे ख़ॆख़ेल नू ता निम्है मसी भई बहिनर हूँ निम्है लेक्खम सस्ती सार'आ लगनर।

2 पतरस 2:7

लिकिन धर्मेस उजगो रहचका लॊथसिन बछाबाचस। आस गा नॆग मलका आलर ही सोतरा उज्जना ओक्कना ती जिया नू दुक्खे मंजस।

2 पतरस 3:1

अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

दहदर मंजका कत्‍था 2:5

औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्‍खा नलख नना। लिकिन नीन जियन मल किर्त'ओय होले, ऎन निंग्‍है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।