2 पतरस 3:15 - पुना गच्छरना NT (BSI)

¹⁵ अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

2 पतरस 3:15 ပူးပေါင်းရင်းမြစ်များ

लू‍कस 21:15

एन्‍देरगेका ऎन निमन एन्ने ब'अना अरा लूर चि'ओन का निम्‍है जम्मा बैरिर निम्‍है बिड़दो नू खंडा अरा इज'आ पोल्‍लोर।

त‍इरकर 15:25

औंगे ऎम ओर्मर ही मने ती तिगचकम का जोक्‍क आलारिन चाजोत ती आरिन पौलुस अरा बरनबास गने त‍इय्योत।

त‍इरकर 7:10

अरा आसी उर्मी सस्ती ती आसिन नाड़ियस। धर्मेसी चिच्का लूर ही चड्डे मिसर देस ता बॆलस फारऒस आसिन पत्तारस अरा म‍ईन नंजस। बॆलस आसिन मिसर देस ही राजीख़ापू कमचस अरा गोट्टा गढ़िया अरा अइय्या ता आलारिन आसी अदिया नू चिच्‍चस।

त‍इरकर 9:17

तहाँ हनानियास उरखस ती यूदसी एड़पा कोरचस। अरा आस स‍उलसी म‍इय्याँ ख़ेक्खन उइय्यस ती बाचस, “अना भई स‍उल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन त‍इय्कादस का नीन अउर ऎरा ओंगोय, अरा नीन नेम्‍हा बॊलतस ती नीन्‍द'ओय क'ओय।”

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

1 कोरिन्‍थ 3:10

धर्मेस एंगा गे चिच्का औसान लेक्‍खा, ओन्‍टा बॆस मिस्‍त्रीर लेक्‍खा ऎन नेव उइय्कन। अरा नन्ना ओर्तोस अदही म‍इय्याँ कमदस। लिकिन ओर्त ओर्त गे चिहुंक र'अना र'ई का आस एकासे कमदस।

इफेसुस 3:3

धर्मेस तान तंग्है गम चिताबुतन एंगा दहदर नंजस। ऎन इदही पत्त नू मुन्द दिम अंछर ती लिखचका र'अदन।

1 तीमोथियुस 1:16

लिकिन एंग्‍है म‍इय्याँ इदगे सोग्‍गे मंजा का ऎन उर्मी ती कोहाँ पापहा आलन नू येसु मसीस तंग्‍है उर्मी कयास आबोन ऎदस। एन्‍देरगेका एका ओर्तर उर्बा येसुस नू पत्त'अनर ती जनमजुग ही उज्‍जना ख़क्‍खनर आर गे आस कोड़हे कयास ऎद'ओस, आर गे ऎन ओन्‍टा चिन्‍हा मंजकन।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

2 पतरस 3:2

ऎन बेद्ददन का, नेम्हा धर्मेसी कत्था तिंगुर ती चिरान नू तिंका कत्था गुट्ठिन, अरा निम्है तइरकर ती चितारका नम्है उर्बस अरा नाड़ुसी पॆसका गुट्ठिन निमा सुरता नन्ना र'ई।

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।