2 पतरस 3:11 - पुना गच्छरना NT (BSI)

¹¹ ई लेक्खम इबड़ा उर्मिम नठारना र'अना ती, नीम एका लेक्खा आलर र'अना र'ई? नीम धर्मेस गे इल्चका ती नेम्हा उज्जनन उज्जना र'ई।

2 पतरस 3:11 ပူးပေါင်းရင်းမြစ်များ

मत्तायोस 8:27

इदिन ईरियर ती चेलर अनचकरर केरर अरा बाचर, “ईस एकासे आलस ताका दरा समुदर हूँ ईसी पॆसकन मिनी।”

रोमी 13:11

अक्‍कुन ता बेड़ा एकासे र'ई एन्ने अख़'अरकी इदिन नना। निमा अक्‍कु ख़न्‍द्रना ती एजरना ही बेड़ा अंड़सकी र'ई। एन्‍देरगेका एका लेक्‍खा नाम पत्ताचका रहचकत आ बेड़ा ती अक्‍कु नम्‍है नाड़रना हेद्दे र'ई।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 3:20

लिकिन नम्‍है र'अना अड्डा मेर्ख़ा नू र'ई, अरा असन तिम नाड़ुस उर्बस येसु मसीस बर'ओस एन्ने नाम रिझ ती पाब ऎरदत।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

1 तीमोथियुस 6:6

लिकिन नम्‍है गुसन ऎ बग्‍गे र'ई आरुनुम जिया बुधर'ई, होले महबा नमन उरुब ननी।

इब्रानी 13:5

ढिबा म‍इय्याँ अम‍के चिबाख़ार'आ, निंग्‍है गुसन ऎ बग्‍गे र'ई अत्रुम खतिर ननके। एन्‍देरगेका धर्मेस एन्ने बाचकादस, “ऎन निंगन इकला हूँ मल अम्‍बोन। ऎन निंगन इकला हूँ मल मॊधर'ओन।”

याकॊब 1:24

आस गा तंगन ऎरदस ती किर्रिम बि'अदस ख़ने, लॆम मॊध्रदस कादस का तान एकासे रहचस।

याकॊब 3:13

निम्है मझी नू नॆ लूरगर अरा बुझुर'ऊ र'अदस? आस तंग्है दौ उज्जना ओक्कना ती अदन ऎद्ददस नेकअन। अरा अदन लूर ती बरना लुदऊ मन्ना ती तंग्है दौ नलख गुट्ठिन नन्दस ऎद्ददस नेकअन।

1 पतरस 1:15

निमन चुनचका धर्मेस एकासे नेम्‍हा र'अस, अन्नेम नीम हूँ निम्है सौंसे उज्‍जना ओक्‍कना नू नेम्‍हा र'आ।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 1:6

अरा लूर गने जियन सम्ड़'अना, अरा जियन सम्ड़'अना गने खतिर नन्ना, अरा खतिर गने भगती।

2 पतरस 3:10

लिकिन उर्बासी बरना उल्ला गा ख़लबस लेक्खा आचका बर'ओ। अउला मेर्ख़ा गुट्ठी गरजारनुम मेटर'ओ कालो, अरा मेर्ख़ा ता आलॊ गुट्ठी गौंगौंर'ओ ती चोदख़ो कालो ती नठार'ओ, अरा ख़ॆख़ेल नू आलर नंजका उर्मिन धर्मेस नेंवई नना गे दहदर नन्त'ओस।

2 पतरस 3:12

धर्मेसी बरना उल्ला बर'आ गे रिझ गने पाब ऎरा, अरा ईद चाँड़हेम बर'आ गे तिहा नन्त'आ। अउला नू मेर्ख़ा गुट्ठी ऒलो ती नठार'ओ क'ओ अरा मेर्ख़ा ता आलॊ गुट्ठी गौंगौंर'ओ ती चोदख़ो कालो।