2 पतरस 3:1 - पुना गच्छरना NT (BSI)

¹ अना चोन्हा आलारो, ईद ऎन निमा गे लिखना दोसर चिठी हवे। ऎन इबड़ा दुयो चिठिन निम्है सुध सोच गुट्ठिन रिझ्रत'अना गे सुरत'अना लेक्खम लिखचका र'अदन।

2 पतरस 3:1 ပူးပေါင်းရင်းမြစ်များ

मत्तायोस 5:8

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

1 तीमोथियुस 5:22

तिर्री बिर्री नू नेकअनिम सेयान अमके उइय्या। अरा नन्नर ही पाप गुट्ठी ही बटा अमके मना। नीन निंगन निमन उइय्‍के।

2 तीमोथियुस 1:6

ऎन निंगन सोचत'अदन का ऎन निंग्‍है म‍इय्याँ ख़ेक्खा उइय्यो बारी धर्मेस ती निंगा ख़क्ख्रका सवंग आबोन बॆस बड़ियर लगे ब‍उर'आ।

इब्रानी 6:9

बॆस संगेरो! ऎम ई लेक्‍खा ब'आ लगदम, अन्नु हूँ निम्‍है पत्त नू नीम इदही ती कोड़हे बॆस नलख गुट्ठिन ननोर अरा नाड़रना ही डहरे नू ऎकोर, एन्ने एमा पखड़ असरा र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।

2 पतरस 3:17

औंगे अना चोन्हा आलारो, मुन्द तिम नीम इदन अख़ना ती, चिहुंक र'आ। एन्ने अम्बो मना का, अबड़ा नॆग मलका आलर ही मलदौ नू बझ्रर'अरकी निम्है ठिमठिमने दसा ती अम्बोर खतर'आ।

2 पतरस 3:8

लिकिन अना चोन्हा आलारो, ई मानिमन नीम मॊधर'आ गे ऎन मल बेद्ददन का, उर्बस गे उन्दुल उल्ला हजार चाँन लेक्खा र'ई, अरा हजार चाँन उन्दुल उल्ला लेक्खा र'ई।

यहूदा 1:5

इबड़ा उर्मी कत्थन नीम मुन्द दिम अक्का र'अदर। अन्नु हूँ ऎन निमा गे इदन सुरता नन्त'अदन का उर्बस तंग्हा चज्जिका इस्राऎल आलारिन मिसर राजी नू आर ही जॊंख़ ही दसा ती बहरी ओन्द्रस ती नाड़ियस, लिकिन ख़ॊख़ा नॆ मल पत्ताचर आरिन नठाबाचस।