2 पतरस 2:6 - पुना गच्छरना NT (BSI)

⁶ अरा धर्मेस सोदोम अरा गोमोरा नगरे गे एन्ने दंडे चिच्चस का अबड़न ऒलताचस ती चिन्दी नंजस। धर्मेसिन मल इल्चुर गे ईदिम मनो एन्ने ऎद'आ गे आ नगरे गुट्ठी ओन्टा जोक्खा ख़ीरी मना गे एन्ने नंजस।

2 पतरस 2:6 ပူးပေါင်းရင်းမြစ်များ

मत्तायोस 10:15

ऎन निमन मानिमन ब'अदन, ‘रायबड़ी उल्‍ला नू सोदोम अरा गोमोरा नगरे ता आलर ख़क्‍खना दंडे ती ई नगरे ता आलर ही ख़क्‍खना दंडे बग्‍गे मलदौ मनो।’

मत्तायोस 11:23

अरा अना कफरनहूम नगरे ता आलारो, नीम मेर्ख़ा म‍इय्याँ चॊदतार'ओर कालोर का? मला, नीम गा ख़ोड़ख़ा चिच्‍ची गड्डी नू टिड़तार'ओर कालोर। एका सवंग ही नलख गुट्ठी निम्‍है नू नंजका र'ई, ई नलख सोदोम नू मंजका होले आर तम्‍है पापन अम्‍बना ती धर्मेस तरा किर्रना ती इन्‍ना गूटी आ नगरे इज्‍जकी र'ओ दने।

रोमी 9:29

धर्मेसी कत्‍था तिंगू यसायास अउरिम बाचस, “फउदर ही उर्बस नमा गे जोक्‍क बनसन उज्‍जना मल अम्‍बका होले, नाम सोदोम अरा गोमोरा नगरे बेसे नठार ख़च्चिका र'ओत दने।”

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

यहूदा 1:15

अरा आस ख़ॆख़ेल ता उर्मी आलारिन नेंवई नना गे बर'आ लगदस। धर्मेसिन नट'उर मलदौ डहरे ती नंजका बग्गे नलख गुट्ठी गे, अरा धर्मेसिन नट'ऊ पपहर धर्मेसी बिड़दो नू बाचका उर्मी हींड़ना कत्था गुट्ठी गे आरिन बदी ठेकाब'आ गे बरदस।”

यहूदा 1:7

इबड़ा मेर्ख़ा पैकर लेक्खम सोदोम अरा गोमोरा नगरे गुट्ठी ता अरा अबड़ा ही ओनबेंड़र'आ नू रहचका नगरे गुट्ठी ता आलर पेहरन ही सोतरा नलख अरा उर्मी रकम ही पेहरन ही पाप गुट्ठिन नंजर। अरा आर जनमजुग ही चिच्ची ही दंडे ख़क्खियर ती नमा गे ओन्टा चेताब'अना बेसे र'अनर।