2 पतरस 2:4 - पुना गच्छरना NT (BSI)

⁴ एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

2 पतरस 2:4 ပူးပေါင်းရင်းမြစ်များ

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 8:29

आर चिच्चियारर ती बाचर, “धर्मेसी ख़द्दायो, एम्‍है गने निंग्‍है एन्‍देर नलख? एन्‍देर नीन एमन बेड़ा ती मुन्‍द दुक्‍खे चि'आ बरचकादय।”

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

लू‍कस 10:18

येसुस आरिन बाचस, “ऎन सैतान आबोन बिल्‍चत'अना लेक्‍खा मेर्ख़ा ती खत्तरनन ईरकन।

लू‍कस 8:31

अबड़ा आसिन गोहरार'आ का, “एमन भयभयान ख़ोड़ख़ा गड्डी नू काला गे अमा पॆस'आ।”

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

रोमी 11:21

एन्‍देरगेका धर्मेस दौ जैतून मन्न ही मूर डाड़न हूँ मल अम्‍बियस होले नीम कलम नंजका डाड़न सेब्‍बा ती अम्‍बोस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

2 पतरस 2:11

लिकिन ठकवा सिखाब'उर ती कोड़हे सवंग अरा पया र'अना मेर्ख़ा पैकर हूँ मेर्ख़ा ता महबा ही आलॊ गुट्ठी ही बिड़दो नू उर्बासी मुन्दहारे बदी मल ठेकाब'अनर।

2 पतरस 2:5

अरा धर्मेस चिरान ता ख़ॆख़लन हूँ मल अम्बियस, लिकिन आस धर्मेसिन मल इल्च'ऊ आलर ही ख़ॆख़ेल ही मइय्याँ कोहाँ बहड़िन तइय्यस ती आरिन नठाबाचस। अरा धर्मेसी उजगो नेंवई ही पत्त नू मेन्ताचका नूहस अरा आसी एड़पातर सात झनरिन लेका बछाबाचस।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

यहूदा 1:13

ईर समुदर ता कोहाँ लहरा गुट्ठी लेक्खा र'अनर, अरा लहरा ही बोट्टो लेक्खा तम्है लज्जे ही नलख गुट्ठिन लेछनर। ईर बेहड़ारका बीनको गुट्ठी लेक्खा र'अनर। ईर गे गटगट ऊख़ा जनमजुग गे उइरकी र'ई।

यहूदा 1:6

अउर हूँ धर्मेस तमा गे चिच्का अदिया नू बन्चका मल र'अरकी तम्है अड्डन अम्बका चिच्का मेर्ख़ा पैकारिन सुरता नना। धर्मेस आरिन आ कोड़हे रायबड़ी उल्ला नू नेंवई नना गे ऊख़ा नू नॆ हूँ ख़च्चा पोलना सिकड़ी ती हॆंचका उइय्का र'अदस।

दहदर मंजका कत्‍था 20:10

अरा अबड़ा आलारिन ठकचका आ नाद गन्धक लघरना चिच्‍ची ही समुदर नू हेबड़तार'ओस क'ओस, एकइय्या आ मेक्‍खो अरा ठकवा धर्मेसी कत्था तिंगुस र'अनर। अइय्या आर उल्‍ला माख़ा जनमजुग कलपार'ओर।