2 पतरस 2:3 - पुना गच्छरना NT (BSI)

³ अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

2 पतरस 2:3 ပူးပေါင်းရင်းမြစ်များ

मत्तायोस 23:14

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम रड़ियाहिरिन ठकदर ती आरिन अमल'अदर। अरा नीम धरम नू निमन कोहाँ ऎद'आ गे दिगहा दिगहा बिन्‍ती नन्‍दर। औंगे धर्मेस निमा गे कोड़हे दंडे चि'ओस दिम।]

लू‍कस 18:8

ऎन निमन ब'अदन, आस लॆम आरिन नेंव‍ई ननोस। अन्नु हूँ मनवा ख़द्दन ऎन इकला फिन बर'ओन, आ बारी ख़ॆख़ेल नू एंगन पत्त'ऊ आलारिन ख़क्‍खोन का?”

लू‍कस 20:20

औंगे आर ताक ऎरर अरा जोह'ऊ आलारिन त‍इय्यर का धरम ही भेंस ननोर ती येसुसी एक‍अम कत्‍थन धर'ओर ती आसिन राजीख़ापुसी ख़ेक्खा नू अरा आसी अदिया नू चि'ओर।

लू‍कस 22:47

येसुसी एन्ने ब'अना बारिम ओन्‍टा गोंहड़ा बरचा। अदिन बारा चेलर ती ओर्तोस यूदस कड़हाब'आलियस। आस येसुस हेद्दे आसिन चोंखा गे बरचस।

यॊहनस 2:16

अरा पेरवाँ गुट्ठी बीसुरिन बाचस, “इबड़न इसले हो'आ, एम्बासी एड़पन ख़ीन्‍दू-पिटू अड्डा अमा कम'आ।”

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।

1 थेस्‍सलोनिकॆयर 5:3

आलर कछनख्र'ओर, “ऎम कोड़े र'अदम अरा अपलोक नू मलकम।” आ बेड़ा नू ओन्‍टा ओत्‍था ऎख़ आली गे एकासे नुंजना बर'ई अन्नेम आचका ही आर ही मइय्याँ कोहाँ सस्ती बर'ओ। आ बारी अबड़ा आलर मल बछ्र'ओर।

1 तीमोथियुस 3:3

आस उंखुस अरा पस'ऊ कूड़ू अम्‍बोस र'आ। लिकिन आस लुद‍ऊ र'अना र'ई। आस नग्‍गानख्र‍'ऊ अरा ढिबा ही चिबाख़ार‍'ऊ अम्‍बोस र'आ।

1 तीमोथियुस 3:8

एन्नेम कलीसिया ही ईरू-ख़ूजुर हूँ म‍ईन ही जॊगे र'अना र'ई। अरा आर उंखुर अरा आलारिन ठगना ती अर्ज‍'उर अम्‍बोर र'आ।

1 तीमोथियुस 6:5

अरा रेन्‍द नग्गानखरना नन्‍तेम र'अना मनी। एन्ने आर ही बुधी बगड़ारकी किरकी र'ई। अरा आर मानी ती खत्रका केरका र'अनर। आर घोकनर का महबा अर्ज'अना ही डहरे।

तीतुस 1:11

ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

1 पतरस 5:2

धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।

2 पतरस 1:16

लूरगर ती कमचका ख़ीरी गुट्ठी नू ऎम मल ऎकरकी, लिकिन आसी महबन एम्है ख़न्न ती ईरुर रहचका ती दिम, ऎम नम्है उर्बस येसु मसीसी सवंग अरा आसी बरना ही पत्त नू निमा गे तिंकम।

2 पतरस 2:1

इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।

2 पतरस 2:9

औंगे उर्बस अख़दस का धर्मेसिन इल्चू आलारिन आर ही बिढ़्रना ती एकासे बछाब'अना र'ई, अरा उजगो मलका आलारिन दंडे चि'अनुम चि'अनुम नेंवई उल्ला गे उइय्यना र'ई।

यहूदा 1:11

आर गे ओहरे। एन्देरगेका आर तंग्है भईसीन पिटका कैनसी डहरे नू ऎकनर। अरा आर ढिबा गे बालामसी मलदौ आबोन ताम हूँ नन्नर। अरा कोरेस लेक्खा हुलहुली नन्ना चड्डे नठारनर कानर।

यहूदा 1:15

अरा आस ख़ॆख़ेल ता उर्मी आलारिन नेंवई नना गे बर'आ लगदस। धर्मेसिन नट'उर मलदौ डहरे ती नंजका बग्गे नलख गुट्ठी गे, अरा धर्मेसिन नट'ऊ पपहर धर्मेसी बिड़दो नू बाचका उर्मी हींड़ना कत्था गुट्ठी गे आरिन बदी ठेकाब'आ गे बरदस।”

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

यहूदा 1:7

इबड़ा मेर्ख़ा पैकर लेक्खम सोदोम अरा गोमोरा नगरे गुट्ठी ता अरा अबड़ा ही ओनबेंड़र'आ नू रहचका नगरे गुट्ठी ता आलर पेहरन ही सोतरा नलख अरा उर्मी रकम ही पेहरन ही पाप गुट्ठिन नंजर। अरा आर जनमजुग ही चिच्ची ही दंडे ख़क्खियर ती नमा गे ओन्टा चेताब'अना बेसे र'अनर।