2 पतरस 2:21 - पुना गच्छरना NT (BSI)

²¹ ईर उजगो उज्जना ही डहरेन अक्का ख़ॊख़ा तमा गे चितारका नेम्हा पॆसका गुट्ठी ती पछली किर्रना ती, ईर इकला हूँ उजगो उज्जना ही डहरेन बल्लुर रहचका होले, आद ईर गे कोड़हे बॆस रहचा दने।

2 पतरस 2:21 ပူးပေါင်းရင်းမြစ်များ

मत्तायोस 21:32

एन्‍देरगेका यॊहनस गा उज्‍जा गे उजगो डहरेन ऎद'आ गे निम्‍है गुसन बरचस। आसिन नीम मल पत्ताचकर, लिकिन ऊज'उर अरा खिल्डिर आसिन पत्ताचर। अन्‍ति नीम इदिन ईरकर ती ख़ॊख़ा हूँ आसिन पत्त'आ गे मल पस्‍तारकर।

लू‍कस 12:47

एका जॊंख़स तंग्‍है उर्बासी मनेन अक्‍खस, लिकिन आस सपड़ारका मल रहचस अरा आसी मने लेक्‍खा मल नंजस, आस बग्‍गे मार मॊख़ोस।

यॊहनस 15:22

ऎन मल बरचका अरा आरिन धर्मेसी कत्थन मल तिंका रहचकन होले, पाप ही बदी आर ही म‍इय्याँ मल लग्‍गो दने। लिकिन आर गे अक्‍कु तम्‍है पाप गे एन्‍देर नंगु हूँ तेंगा पोल्‍लोर।

यॊहनस 9:41

येसुस आरिन बाचस, “नीम अन्धहा रहचकर होले, नीम पाप ही बदी नू मल र'ओर दने। लिकिन नीम ब'अदर का ‘ऎम ऎरा ओंग्‍दम,’ औंगे निम्‍है पाप ही बदी निम्‍है म‍इय्याँ र'ई।”

रोमी 7:12

नॆग नेम्‍हा र'ई अरा अदही पॆसका नेम्‍हा अरा ठौका अरा दौ र'ई।

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

1 थेस्‍सलोनिकॆयर 4:2

ऎम निमा उर्बा येसुसी आकुस ती एन्‍देर एन्‍देर पॆसका ती रिझाबाचकादम अदिन नीम अख़दर।

1 तीमोथियुस 6:14

नीन नम्‍है उर्बस येसु मसीसी अउर दहदर मन्ना गूटी ई आनन‍न निमन अरा बिगर बदी ही उइय्या।

इब्रानी 10:26

मानिम कत्‍था ही पत्त ता लूरन ख़क्ख्रका ती हूँ नाम अख़नुम अख़नुम बिगर इल्चका ती पाप नन्ना बारी र'ओत होले, पाप गुट्ठिन ओथ्र'आ गे फेन एन्‍द्रा हूँ दाँड़े मल्‍ला।

याकॊब 4:17

औंगे ओर्तस तंगा नन्ना र'ई आ दौ आबोन अख़दस ती हूँ अदन मल नन्‍दस होले, आस पाप नन्दस।

2 पतरस 3:2

ऎन बेद्ददन का, नेम्हा धर्मेसी कत्था तिंगुर ती चिरान नू तिंका कत्था गुट्ठिन, अरा निम्है तइरकर ती चितारका नम्है उर्बस अरा नाड़ुसी पॆसका गुट्ठिन निमा सुरता नन्ना र'ई।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।