2 पतरस 2:19 - पुना गच्छरना NT (BSI)

¹⁹ ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।

2 पतरस 2:19 ပူးပေါင်းရင်းမြစ်များ

यॊहनस 8:34

ख़ने येसुस आरिन बाचस, “ऎन निमन मानिमन ब'अदन, नॆ पाप नन्‍नर आर पाप ही जॊंख़ र'अनर।

त‍इरकर 19:16

मलदौ बॊलता रस्‍सकी रहचा आ आलस आर ही म‍इय्याँ झपारा ती आरिन पखड़ाचा, ख़ने आर लंगड़ा मंजर ती अरा रिहोन बोहोन मंजर ती आ एड़पा ती उरखर बोंगर।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

2 तीमोथियुस 2:26

होले आर सैतान ही फंदा ती बछर'अरकी तम्‍है मानी लूर नू किर्रोर, एकदा तंग्‍है मने बेसे नना गे आरिन धरचकी उइय्‍की रहचा।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।