2 पतरस 2:17 - पुना गच्छरना NT (BSI)

¹⁷ इबड़ा ठकवा सिखाब'उर अम्मु मलका पझरा गुट्ठी अरा घटा ती उढियाचका बदाली गुट्ठी लेक्खा अनभनियाँ हिकनर। ईर गे ख़ोड़ख़ा ऊख़ा नू अड्डा उइरकी र'ई।

2 पतरस 2:17 ပူးပေါင်းရင်းမြစ်များ

मत्तायोस 22:13

ख़ने बॆलस तंग्‍है जॊंख़ारिन बाचस, ‘ईसी ख़ेक्खा ख़ेड्डेन हें'आ ती बहरी ता ऊख़ा नू हेबड़ा चि'आ, अइय्या चींख़ना दरा पल्‍ल चब्रना मनो।’

मत्तायोस 25:30

अरा ई जॊगे मलका जॊंख़ासिन बहरी ऊख़ा नू सज'आ चि'आ, असन चींख़ना ओलख़ना अरा पल्‍ल चब्रना मनो।’

मत्तायोस 8:12

लिकिन बग्‍गे इस्राऎल आलारिन नॆखा गे मेर्ख़ा राजिन धर्मेस सपड़ाचस, आरिन धर्मेस नरक नू हेबड़ोस चि'ओस। असन चींख़ना अरा पल्‍ल चबर्ना मनो।”

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

इब्रानी 12:18

अक्‍कु नीम बरचकादर आ अड्डा मुन्‍द टुंगरी नू इस्राऎल आलर केरका सीनाय परता मल्‍ली। आ परतन गा आलर एंसड़'आ ओंगनर। अरा आ परता नू चिच्‍ची हदकारा, अरा गर्रा घटा अरा ऊख़ा अरा बरंडो कुलरकीचा।

2 पतरस 2:4

एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

यहूदा 1:6

अउर हूँ धर्मेस तमा गे चिच्का अदिया नू बन्चका मल र'अरकी तम्है अड्डन अम्बका चिच्का मेर्ख़ा पैकारिन सुरता नना। धर्मेस आरिन आ कोड़हे रायबड़ी उल्ला नू नेंवई नना गे ऊख़ा नू नॆ हूँ ख़च्चा पोलना सिकड़ी ती हॆंचका उइय्का र'अदस।