2 पतरस 2:14 - पुना गच्छरना NT (BSI)

¹⁴ आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।

2 पतरस 2:14 ပူးပေါင်းရင်းမြစ်များ

मत्तायोस 12:34

अना नेर्र लेक्‍खा बिक्‍ख उइय्‍यु आलारो! नीम मलदौ मनरकी एकासे दौ कत्‍था ब'आ ओंग्‍दर? एन्‍देरगेका एन्‍द्रा जिया नू निन्‍दकी र'ई आदिम ब‍ई ती उरखी।

मत्तायोस 23:14

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम रड़ियाहिरिन ठकदर ती आरिन अमल'अदर। अरा नीम धरम नू निमन कोहाँ ऎद'आ गे दिगहा दिगहा बिन्‍ती नन्‍दर। औंगे धर्मेस निमा गे कोड़हे दंडे चि'ओस दिम।]

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 5:28

लिकीन ऎन निमन ब'अदन का, एका ओर्तस मलदौ सोच ती एकअम आलिन ऎरदस होले, आस तंग्‍है जिया नू अदही गने नन्ना आली गुसन काना ही पाप नं‍ज ख़च्‍चियस।

मरकुस 13:22

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

याकॊब 1:8

आ आलस दुई मति ही आलस र'अना ती आस तंग्है उर्मी नलख नू धर'ऊ मल्ला।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

2 पतरस 3:16

आस तंग्है उर्मी चिठी नू इबड़ा कत्था गुट्ठी ही पत्त नू तेंगना बारी ई लेक्खम लिखचकादस। आस तिंका कत्था गुट्ठी नू जोक्क कत्था गुट्ठी बुझुर'आ गे मसकिल र'ई। बलका आलर अरा तम्है पत्त'अना नू ठिमठिमने मल र'ऊ आलर नेम्हा पुथी ता अउर कत्था गुट्ठिन नन्ना लेक्खा इबड़ा कत्था गुट्ठी गे बिड़दो मने ओथ्रनर ती तमा गे नठारनन ओन्द्रनर।

1 यॊहन 2:16

एन्देरगेका ई ख़ॆख़ेल नू र'अना कया ही चिबाख़ारना अरा ख़न्न ही चिबाख़ारना अरा उज्जना ही खुर्जी गुट्ठी ही फुलई मन्ना इबड़ा उर्मी धर्मे बंगस ती मला, लिकिन ख़ॆख़ेल ती बर'ई।

यहूदा 1:11

आर गे ओहरे। एन्देरगेका आर तंग्है भईसीन पिटका कैनसी डहरे नू ऎकनर। अरा आर ढिबा गे बालामसी मलदौ आबोन ताम हूँ नन्नर। अरा कोरेस लेक्खा हुलहुली नन्ना चड्डे नठारनर कानर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।