2 पतरस 2:13 - पुना गच्छरना NT (BSI)

¹³ आर नंजका उजगो मलका नलख गुट्ठी ही ऊजी नू धर्मेस आर गे दंडे चि'ओस। आर उल्ला बेड़ा नू हूँ मलदौ मदी गुट्ठी ती रिरयार'आ गे कोड़हे बेद्दनर। आर टिकला अरा लज्जे मलका लेक्खा हिकनर का आर निम्है गने मदी गुट्ठी नू ओन्ना उर्मी बेड़ा नू निमन लज्जे मॊख़त'ओर।

2 पतरस 2:13 ပူးပေါင်းရင်းမြစ်များ

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

इफेसुस 5:27

अरा कलीसियन एकअम कस्सा महले दगहा महले ई लेक्खा अउर इन्द्रिइम जिनिस मल र'अरकी अदिन नेम्हा अरा बिगर बदी ती महबा गने तंग्है मुन्दहारे इजत'ओस।

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

2 तीमोथियुस 4:14

अलेक्‍सन्द्रस ठठेरवस एं‍गा गे कोड़हे मलदौ नंजस। उर्बस आसिन एंग्‍है म‍इय्याँ नंजका नलख गे दंडे चि'ओस।

याकॊब 5:5

नीम ख़ॆख़ेल नू सुख-सौंरत भोगचकर अरा निम्है उर्मी मनेन पूरा नन्ना ती सुक्खे उज्जकर। अरा नीम निम्है जियन पलचकादर, लिकिन एन्देर नीम बलदर का नठारना ही उल्ला हेद्देम अंड़सकी र'ई?

1 पतरस 4:4

लिकिन निम्है मुन्द ता सखीर अनचकरनर का नीम अक्कु आर ही गने आर नन्ना मलदौ नलख गुट्ठी नू मल जुम्रदर। औंगे आर निमन हींड़नर।

2 पतरस 2:15

आर उजगो डहरेन अम्बरकी तम्है डहरेन एब्सका चिच्का र'अनर। आर बोसोरसी तंग्दस धर्मेसी कत्था तिंगू बालामसी डहरे नू ईक्कानर, एकास मलदौ नन्ना ती ढिबा अर्ज'आ बेद्दा लगियस।

दहदर मंजका कत्‍था 18:6

आद एकासे नन्नर गे किर्त'अर चिच्चा अन्नेम नीम अदगे किर्त'अर चि'आ। अरा अदही नंजका मलदौ नलख गुट्ठी ही लेक्खा अदगे दुई गुना किर्त'अर नना। अरा आद एकासे नन्नारिन ओन्ताचा अन्ने नीम अदही डुबहा नू दुई गुना निन्द'आ ती अदिन ओन्त'आ चि'आ।