2 पतरस 2:10 - पुना गच्छरना NT (BSI)

¹⁰ मुध गा तम्है पाप सुबहा ती बरना मलदौ चिबाख़ारना अरा सोतरा नलख गुट्ठी ही ख़ॊख़ा ख़ॊख़ा कालरकी धर्मेसी अदिया आबोन हींड़'उर मइय्याँ धर्मेस एन्नेम बेड़हा दिम र'अदस। इबड़ा आलर फुलई मनू अरा हुड्ड र'अनर। ईर मेर्ख़ा ता महबा ही आलॊ गुट्ठिन हूँ निंदा नना गे मल इल्चनर।

2 पतरस 2:10 ပူးပေါင်းရင်းမြစ်များ

लू‍कस 11:25

अरा बर'ई ती नेम्‍हा बॊलतासी आकुस नू मल र'अना आलस लेक्‍खा आ एड़पन ईगका ओथ्रका चेमचेम ने ख़क्‍खी।

लू‍कस 19:14

लिकिन आसी नगरे ता आलर आसिन हींड़'आ लगियर। अरा एन्ने ब'अरकी आसी ख़ॊख़ा ओन्‍टा पैकारिन त‍इय्यर का ईसिन एम्‍है बॆल उइय्या गे एमा मने मलकी।

त‍इरकर 23:5

ख़ने पौलुस बाचस, “ऎन बल्‍ला लिक्‍कन का ईस कोहाँ नैगस। नेम्‍हा पुथी नू गा एन्ने लिख्रकी र'ई का ‘निंग्‍है आलर ही मुद्धारिन मलदौ अमा ब'आ।’”

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

2 कोरिन्‍थ 10:3

ऎम ई सौंसार नू उज्जदम, लिकिन सौंसार ता आलर लेक्‍खा चॆत मल नन्दम।

इफेसुस 4:19

अरा आर सुन्न मंजर ती उर्मी रकम ही घिनघिना नलखन चिबाख़ारना गने नना गे तमन पेहरन ही सोतरा नलख गे चिच्का र'अनर।

इफेसुस 5:5

नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

1 थेस्‍सलोनिकॆयर 4:7

एन्‍देरगेका धर्मेस नमन नेम्‍हा उज्‍जना उज्‍जा गे मीख़कादस, सोतबोड़'आ उज्‍जना उज्‍जा गे मल्‍ला मीख़का।

2 तीमोथियुस 3:2

एन्‍देरगेका आलर तमानिम चोन्‍हा ननू, ढिबा ही चिबाख़ार‍'ऊ, बग्‍गे तरगर‍'ऊ, इतरार'ऊ, हींड़‍'ऊ, अयंग बंगर ही पॆसकन मल पत्त‍'ऊ, संगरा ननुर गे धन्‍यवाद मल ब'ऊ, सोतबोड़'आ ननू मनोर।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

2 पतरस 3:3

उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।

यहूदा 1:10

लिकिन इबड़ा ठकवा सिखाब'उर गा अख़'अम बलनर अबड़ा कत्था ही बिड़दो नू निंदा नन्नर। अरा सोच'आ पोलना मेक्खो लेक्खा तम्है सुबहा ही लेक्खा एन्द्रन अख़'आ ओंगनर, अबड़न दिम नन्नर, अरा अत्रु तिम नठारनर कानर।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

यहूदा 1:18

आर निमन बाचकानर का, “छेद्दे ता बेड़ा नू लज्जे मॊख़त'उर बर'ओर ती आर धर्मेसिन नटना तम्है मलदौ चिबाख़ारना गुट्ठी ही लेक्खम ऎकोर।”

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।