2 पतरस 2:1 - पुना गच्छरना NT (BSI)

¹ इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।

2 पतरस 2:1 ပူးပေါင်းရင်းမြစ်များ

मत्तायोस 10:33

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ मेर्ख़ा नू र'ऊ एंग्‍है बंगासी मुन्‍दहारे आस एंग्‍है आलस मलदस ब'ओन।

मत्तायोस 24:11

अरा कोड़हे ठकवा धर्मेसी कत्‍था तिंगुर बोंग चो'ओर अरा बग्‍गेरिन भोड़ाब'ओर।

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 24:5

एन्‍देरगेका नगदे आलर एंग्‍है नामे ती बर'अरकी ‘ऎन मसीस हिकदन’ ब'ओर ती कोड़हे आलारिन ठक'ओर।

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

मरकुस 13:22

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

लू‍कस 12:9

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ धर्मेसी पैकर ही मुन्‍दहारे आस एंग्‍है आलस मलदस ब'ओन।

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

लू‍कस 6:26

ओहरे निमन इकला ओर्मा आलर सहरारनर, एन्‍देरगेका आर ही पूरखर हूँ ठक'ऊ धर्मेसी कत्‍था तिंगुर गने एन्नेम नना लगियर।

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

1 कोरिन्‍थ 7:23

नीम कोड़हे दाम चि'अरकी ख़ॆन्‍द्रकादर, औंगे आलर ही बिट्ठी ननू जॊंख़ अमा मना।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

गलातिया 4:17

अबड़ा आलर निमन संगी गा कम'आ बेद्दनर। लिकिन दौ चिताबुता ती मला, आर निमन एम्‍है ती छिंडा बेद्दनर का नीम आर गे संगी कम'ओर।

गलातिया 5:20

मूर्तिन ओहमा नन्‍ना, नस'ऊ, कसरहा, नग्‍गानख्रना, इस्‍गहा, कैर, लोभिया, छिंडना, धरम नू छिंडना,

इफेसुस 1:7

मसीस नू आस बाहताचका ख़ॆंस ती नमा गे नाड़रना र'ई। ईद नम्है अक्‍का-बलका गुट्ठी गे धर्मेसी मया ही निंदका ती ख़क्ख्रना पाप छमा हवे।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

2 तीमोथियुस 4:3

एन्‍देरगेका एन्ने बेड़ा बर'ओ का आलर सुपट सिखाब'अनन मेना गे मने मल ननोर। अरा तम्‍है मने लेक्‍खा तम्‍है ख़ेबदा गुट्ठी गे दौ लगना कत्‍था मेनत'ऊ कैनो गोटंग बिड़दो सिखाब'उरिन ख़ोजोर।

तीतुस 1:11

ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।

तीतुस 3:10

आलारिन छिंडुसिन ओंग्‍‍होल, दुई हॆल तिगाब'आ ती तरकूटी र'आ।

इब्रानी 10:29

अन्ने होले सोच'आ का, एकास धर्मेसी ख़द्दासिन म‍ईन मल नंजस, अरा तंगन नेम्‍हा नन्‍ताचका पुना गच्‍छरना ही ख़ॆंसन नेम्‍हा मल मन्‍चस, अरा मया चि'ऊ नेम्‍हा बॊलतन लज्‍जे मॊख़ताचस, आस एका कोड़हे दंडे ही जॊगे मनोस दने।

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

1 यॊहन 2:26

नॆ निमन बेड़ाब'आ बेद्दनर, आर ही पत्त नू ऎन निमन इबड़ा कत्थन लिखचकादन।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

यहूदा 1:18

आर निमन बाचकानर का, “छेद्दे ता बेड़ा नू लज्जे मॊख़त'उर बर'ओर ती आर धर्मेसिन नटना तम्है मलदौ चिबाख़ारना गुट्ठी ही लेक्खम ऎकोर।”

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।

दहदर मंजका कत्‍था 3:8

ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”