2 पतरस 1:8 - पुना गच्छरना NT (BSI)

⁸ एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

2 पतरस 1:8 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 20:3

अरा पैरी नौ बजे मंजा ख़ने आस उरखस ती नन्ना आलारिन बजार नू बेगर नलख इज्‍जका ईरयस।

मत्तायोस 20:6

अरा पुत्तबारी पांच बजे उरखस ती आस नन्‍नारिन बेगर नलख इज्‍जका ईरयस ती बाचस, ‘नीम इसन एन्‍देर नना बेगर नू इज्‍जकादर?’ अबड़र बाचर,

मत्तायोस 25:26

आसी उर्बस आसिन किर्त‍'अर बाचस, ‘अना मलदौ अरा लंडी जॊंख़, नीन अख़'आ लिक्‍कय का ऎन एसन मल चाँख़दन, असन ख़ोयदन अरा मल बीजदन असन ख़ॊंड़दन।

यॊहनस 15:2

एका लड़ंग एंग्‍है नू र'ई अरा मल ख़ंज'ई अदिन आस तारदस, अरा एकाबड़ा ख़ंज'ई अबड़न छटदस का बग्‍गे ख़ंज'ओ।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 5:42

एन्‍देरगेका ऎन निम्‍है पत्त नू अख़दन का निम्‍है नू धर्मेसी चोन्‍हा मल र'ई।

रोमी 12:11

लंडी अमके मना, कोड़हे नलख ननके, निम्‍है सौंसे जिया ती उर्बासी तेतर-सुसर ननके।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 13:5

नीम निमन बिढ़'आ ती ऎरा का नीम पत्त'अना नू उज्‍जालदर का मला, नीम निमानिम जँच'आ। एन्‍देर नीम मल चिन्हदर का येसु मसीस निम्‍है नू र'अस? अन्ने नीम मल चिन्हदर होले, नीम जंचना नू हार मंजकर केरकर।

2 कोरिन्‍थ 8:2

आर कोड़हे खिलपत ही बिढ़्रना बेड़ा नू हूँ कोड़हे रिझ्रर। अरा आर कोड़हे कूल कीड़ा नू हूँ, गोट्टा जिया ती चि'अना ख़ट्टना नू बग्गे ती बग्गे चिच्चर।

2 कोरिन्‍थ 8:7

अक्कु गा नीम उर्मी कत्‍था नू पर्दका ऊसुका र'अदर, पत्त'अना नू, कत्था नू, लूर नू, उर्मी रकम ही चिहुंक नू, एम्है मइय्याँ ता निम्है चोन्हा नू पर्दका ऊसुका र'अदर। अन्नेम नीम ई बरारन चि'अना नू हूँ पर्दना ऊसकना र'ई।

2 कोरिन्‍थ 9:14

आर कोड़हे चोन्हा गने धर्मेस गुसन निमा गे गोहरार'ओर, एन्‍देरगेका आर अख़नर का धर्मेस निमन एका कोड़हे मया चिच्कादस।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

फिलिप्‍पी 2:5

मसी येसुस नू रहचका सोचना लेक्खा दिम निम्है नू हूँ र'अना र'ई।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 थेस्‍सलोनिकॆयर 3:12

एम्‍है चोन्‍हा एकासे निम्है नू परदिया निन्‍दिया अन्नेम निम्‍है चोन्‍हा ओर्त ओर्त नू नन्‍नर नू परदा ती नीदा गे उर्बस निमन सहाड़ा नन्‍दस नेक‍अन।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

फिलॆमॊन 1:6

अरा निंग्है पत्त'अनन नन्नर ही गने ख़ट्टना नू कोड़हे बड़ियर गने र'आ गे ऎन गोहरारदन। इत्रु तिम मसी येसुस नू नम्हा ख़क्खका उर्मी दौ ही पत्त नू नीन उर्मिन बुझुर'ओय।

इब्रानी 6:12

ऎम बेद्ददम का नीम लंडी अमा मना। लिकिन ईर लेक्‍खा र'आ का नॆ पत्त'अना अरा सहना ही चड्डे धर्मेस आर गे गच्‍छरका गच्‍छरकन ख़क्‍खियर।

2 पतरस 1:2

धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।