2 पतरस 1:5 - पुना गच्छरना NT (BSI)

⁵ ई चड्डेम नीम उर्मी रकम ही चिहुट ती निम्है पत्त'अना गने दौ गुन्न आबोन जोड़'आ, अरा दौ गुन्न गने लूरन जोड़'आ।

2 पतरस 1:5 ပူးပေါင်းရင်းမြစ်များ

लू‍कस 16:26

ईद लेका मला, निंग्‍है अरा एंग्‍है मझी नू ख़ोड़ख़ा ख़ैड़ र'ई। औंगे नॆ हूँ इसलेक ती असन कट्टा बेद्दोर आर पोल्‍लोर काला, अरा असलेक ती इसन बर'आ बेद्दोर आर पोललोर बर'आ।’

लू‍कस 24:21

लिकिन एमा असरा रहचा का आस इस्राऎल आलारिन नाड़ोस। इबड़ा कत्‍था ही मंजका इन्ना तीन उल्‍ला मंजा।

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 2:3

उर्मी लूर अरा अक्किल मसीस नू नूख़्रकी र'ई।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 6:11

ऎन बेद्ददन का नीम एन्‍देरगे असरा नन्‍दर आद मंज ख़च्‍चना गूटी निम्‍है नू ओर्मर मुंज्रना गूटी एन्नेम नलख नन्नते र'अना र'ई।

1 पतरस 3:7

अन्नेम अना मॆतारो! नीम निम्है मुक्‍का गने ठौका बुझ्रना अरा अदही मइय्याँ ता सोच गने उज्‍जा। अरा मुक्‍कारिन निम्है ती पयहा आल अख़'आ ती अरा निम्है गने मल मुंज्रना उज्‍जना ही धर्मेसी सोग्‍गेन ख़क्‍खका अख़'आ ती आरिन मईन नना। नीम एन्ने ननोर होले, नीम सान्ति जिया ती र'ओर अरा बड़ियर गोहरार'आ ओंग्दर।

2 पतरस 1:10

औंगे अना भईरो, धर्मेसी निम्है मॆख़्रकन अरा चजरकन बड़ियर नना गे कोड़हे चिहुंक नना। नीम इबड़न ननोर होले, इकला हूँ मल खत्र'ओर।

2 पतरस 1:11

अरा नम्है उर्बस अरा नाड़ुस येसु मसीसी मुंजा मलका राजी नू कोड़हे परिघ'अना ती कोर'ओर।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।