2 पतरस 1:2 - पुना गच्छरना NT (BSI)

² धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

2 पतरस 1:2 ပူးပေါင်းရင်းမြစ်များ

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 1:5

ई चड्डेम नीम उर्मी रकम ही चिहुट ती निम्है पत्त'अना गने दौ गुन्न आबोन जोड़'आ, अरा दौ गुन्न गने लूरन जोड़'आ।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

यहूदा 1:2

धर्मेस निमा गे सोग्गे अरा सान्ति अरा चोन्हा कोड़हे ती कोड़हे चि'अदस नेकअन।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,