2 पतरस 1:19 - पुना गच्छरना NT (BSI)

¹⁹ ई अनुभव ही चड्डे ऎम धर्मेसी कत्था तिंगुर ती तिंका कत्था गुट्ठी नू अउर हूँ कोड़हे असरा उइय्दम। नीम ईर ही कत्था गुट्ठी नू कोड़हे चिहुट नन्ना र'ई। एन्देरगेका आर ही कत्था गुट्ठी, पहपहरना गूटी अरा मसीस बिज-बीनको निम्है जिया नू बिल्चना गूटी ऊख़ा नू बिल्चना बिल्ली लेक्खा र'ई।

2 पतरस 1:19 ပူးပေါင်းရင်းမြစ်များ

मत्तायोस 4:16

पाप ही ऊख़ा नू र'ऊ आलर नाड़रना ही ओन्‍टा कोहाँ बिल्‍ली ऎरोर। अरा खे'अना ही एलचना नू अरा ऊख़ा राजी नू र'ऊ आलर मइय्याँ रिझ्रना ही बिल्‍ली बिल्‍चो।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

त‍इरकर 15:29

नीम मूर्ती गुट्ठी गे अरगका ओन्ना-मॊख़ना अरा ख़ॆंस अरा घोंघन पॆदख़का मेक्‍खो गुट्ठी ही अहड़ा अरा उर्मी रकम ही पेहरन ही सोतरा नलख ती तरकूटी र'अके। इबड़ा ती नीम तरकूटी र'ओर होले निमा गे दौ मनो। निम्‍है दौ मनन नेक‍अन।”

त‍इरकर 17:11

इबड़ा ता यहूदीर थेस्‍सलोनिकॆ नगरे ता यहूदीर ती दौ ओक्‍कना इजना रहचर। अरा अबड़र कोड़हे ओन्‍क'आ ती कत्‍थन इंझ्रर, अरा उर्मी उल्‍ला आर नेम्हा पुथी नू बेद्दा लगियर का इबड़ा कत्‍था एन्नेम र'ई का मला।

इब्रानी 2:2

एन्‍देरगेका एका कत्‍था मेर्ख़ा पैकर ती बातारकी रहचा आद मानिम बन्चकी रहचा, अरा एका ओर्तर अदिन मल नंजर अरा मल पॆस्रर आर गे ठौका दंडे ख़क्‍खरा।

याकॊब 2:8

“नीन निंगन एकासे चोन्‍हा नन्‍दय, अन्ने निंग्‍है अरबा-परबारिन चोन्‍हा नना।” एन्ने नेम्‍हा पुथी नू लिख्रका ई कोड़हे मुध पॆसकन नीम मानिम गने नन्दर होले, नीम बॆस आबोन नन्दर।

1 पतरस 1:10

एका मया निमा गे ख़क्ख्रना रहचा, अदही पत्त नू तिंका धर्मेसी कत्था तिंगुर ई नाड़रना ही पत्त नू दिम कोड़हे बेद्दना ख़ॊजना नू रहचर।

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

3 यॊहन 1:6

आर निंग्है चोन्हा ही पत्त नू इय्या ता कलीसिया ही मुन्दहारे गोवाह चिच्चर। धर्मेसिन खुसमारत'अना ही लेक्खा नीन अउरिम एन्ने आलर गे आर ही डहरे ऎकना नू संगरा नन्नुम र'अना र'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”