2 यॊहन 1:8 - पुना गच्छरना NT (BSI)

⁸ नीम चिहुंक र'आ, होले नीम एन्देरगे कोड़हे नलख नंजकादर अदही ख़ंजपन मल एब्स'ओर, अरा निम्है सुसर गे धर्मेस ती गोट्टा ख़ंजपन ख़क्खा ओंग्दर।

2 यॊहन 1:8 ပူးပေါင်းရင်းမြစ်များ

मत्तायोस 24:4

अरा येसुस आनाकिर्ताचस, “चिहुंक र'आ, निमन नीक‍ईम अम्‍बोर ठक'आ।

मरकुस 13:23

औंगे नीम चिहुंक र'आ। ऎन मन्ना उर्मी कत्‍थन निमन मुन्‍द तिम तेंगालदन।

मरकुस 13:9

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

लू‍कस 19:19

ख़ने बॆलस आसिन बाचस, ‘नीन हूँ पांच गोटंग नगरे ही उर्बस मना।’

लू‍कस 21:8

आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

यॊहनस 4:36

एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

1 कोरिन्‍थ 15:8

ओर्मर ही ख़ॊख़ा उल्‍ला मल पूरचका कुन्‍द्रका आलन लेक्‍खा र'अदन एंगा गे हूँ आस ऎथ्रस।

1 कोरिन्‍थ 3:14

आसी नंजका नलख ठिमठिम ने इज्‍जकी र'ओ होले, आ कम'उस इनाम ख़क्‍खोस।

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

गलातिया 3:4

नीम ई कोड़हे सस्‍तिन सिथियम चॊदकर, अरा दौ कत्‍थन ख़क्‍खकर। अबड़ा उर्मी सस्ती अनभनियाँ अम्‍बो मना।

गलातिया 4:11

एंगा निम्‍है पत्त नू इल्‍चिक'आ मनी। एन्ने अम्‍बो मना का निम्‍है मझी नू एंग्‍है अर्जाचका सिथिया मनो।

फिलिप्‍पी 3:16

अन्नु हूँ नाम एका गूटी पखड़ मंज ख़च्चकादत अदही लेक्‍खम उज्जा गे चिहुट नन्ना र'ई।

इब्रानी 10:32

धर्मेसी बिल्‍लिन ख़क्खका मुन्‍द ता उल्‍ला गुट्ठी नू नीम एकासे रहचकर, अदिन सुरता नना। अबड़ा उल्‍ला नू नीम कोड़हे खिलपत अरा सस्‍ती नू हूँ जिटजिट ने इज्‍जका रहचकर।

इब्रानी 10:35

औंगे नीम उर्बस नू र'ऊ निम्‍है बड़ियर असरा आबोन अमा अम्‍बा, आद निमा गे कोड़हे ख़ंजपन उन्‍द्र'ई।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।